លោក Andrés Manuel López Beltrán កូនប្រុសអតីតប្រធានាធិបតីម៉ិកស៊ិក លោក Andrés Manuel López Obrador បាននិយាយថា សហរដ្ឋអាមេរិកបានដកហូតទិដ្ឋាការរបស់លោក។
ប្រភពពីសារព័ត៌មានReuter នៅថ្ងៃទី១៥ខែសីហា។
លោកបានចោទប្រកាន់ថា ការដកទិដ្ឋាការនេះជាការសម្រេចចិត្តដែលមានហេតុផលនយោបាយ និងពាក់ព័ន្ធនឹងមន្ត្រីអាមេរិក លោក Marco Rubio និងលោក Christopher Landau។
លោក López Beltrán បានផ្ញើលិខិតទៅប្រធានាធិបតីអាមេរិក Donald Trump ដោយអះអាងថា អាជ្ញាធរអាមេរិកមិនបានបង្ហាញភស្តុតាងថា លោកបានប្រព្រឹត្តបទល្មើស ឬអំពើខុសច្បាប់ណាមួយឡើយ។ លោកក៏បានស្នើឱ្យលោក Trump ពិនិត្យឡើងវិញចំពោះការសម្រេចចិត្តនេះ។
សូមបញ្ជាក់ថា៖ កន្លងមក រដ្ឋបាលលោក Trump ក៏បានដកទិដ្ឋាការរបស់អ្នកនយោបាយម៉ិកស៊ិកយ៉ាងហោចណាស់ ៥០នាក់ផងដែរ៕
