នៅថ្ងៃទី១៥ខែសីហា អាកាសយានដ្ឋានCatania នៅកោះស៊ីស៊ីលីនៃប្រទេសអ៊ីតាលី ត្រូវបានបន្តបិទរហូតដល់ម៉ោង៣រសៀល ដោយសារផេះនិងផ្សែងពីការផ្ទុះភ្នំភ្លើង Etna។
ប្រភពពីសារព័ត៌មានReuter។
ការផ្ទុះភ្នំភ្លើងបានធ្វើឱ្យជើងហោះហើររាប់រយត្រូវបានលុបចោល ឬបង្វែរទៅអាកាសយានដ្ឋានផ្សេង។ ចាប់ពីថ្ងៃទី៦ ដល់ថ្ងៃទី១២ ខែសីហា មានជើងហោះហើរប្រមាណ ៦៣០ ត្រូវបានបង្វែរ និងជាងមួយភាគបីត្រូវបានលុបចោល។
អ្នកដំណើររាប់ពាន់នាក់បានជាប់គាំង ដោយសារការរំខាននេះកើតឡើងក្នុងរដូវទេសចរណ៍ដ៏មមាញឹក។ អាជ្ញាធរបានណែនាំឱ្យអ្នកដំណើរត្រួតពិនិត្យជើងហោះហើររបស់ខ្លួនជាមួយក្រុមហ៊ុនអាកាសចរណ៍ មុនទៅអាកាសយានដ្ឋាន។
មូលហេតុដែលត្រូវបិទអាកាសយានដ្ឋាន គឺដោយសារផេះភ្នំភ្លើងអាចបង្កគ្រោះថ្នាក់ដល់ម៉ាស៊ីន និងប្រព័ន្ធរបស់យន្តហោះ៕
