សហរដ្ឋអាមេរិក បានប្រកាសផ្តល់ជំនួយមនុស្សធម៌បន្ថែមចំនួន១១លានដុល្លារដល់ប្រទេសកូឡុំប៊ី ដើម្បីជួយប្រជាជនដែលរងគ្រោះពីរញ្ជួយដីកម្រិត ៧.៤ រ៉ិចទ័រ ដែលបានកើតឡើងកាលពីថ្ងៃទី១០ ខែសីហា។
ប្រភពពីសារព័ត៌មានAnadolu Agency នៅថ្ងៃទី ១៥ សីហា ២០២៦។
ជំនួយថ្មីនេះធ្វើឱ្យទឹកប្រាក់សរុបដែលអាមេរិកបានផ្តល់សម្រាប់ការឆ្លើយតបនឹងគ្រោះមហន្តរាយកើនដល់ ២៦.៥ លានដុល្លារ។ ជំនួយនឹងត្រូវប្រើសម្រាប់ផ្គត់ផ្គង់អាហារ សេវាសុខាភិបាល ទីជម្រក សម្ភារៈការពារ និងពិនិត្យសុវត្ថិភាពអគារដែលរងការខូចខាត។
អាមេរិកក៏បានបញ្ជូនសម្ភារៈសង្គ្រោះ ដូចជា ទឹក សម្ភារៈអនាម័យ និងឧបករណ៍ Starlink សម្រាប់ជួយរក្សាទំនាក់ទំនងនៅតំបន់ដែលរងគ្រោះ។ ក្រុមអ្នកជំនាញស្វែងរក និងសង្គ្រោះពីអាមេរិកក៏បានមកដល់កូឡុំប៊ី ដើម្បីជួយក្រុមសង្គ្រោះក្នុងស្រុក៕
