នៅថ្ងៃទី១៥ សីហា ២០២៦ រញ្ជួយដីដ៏ខ្លាំងកម្រិត៧.៧ រ៉ិចទ័រ បានកើតឡើងនៅតំបន់ភាគខាងកើតប្រទេសឥណ្ឌូណេស៊ី បណ្តាលឱ្យមនុស្សយ៉ាងហោចណាស់២នាក់ស្លាប់ និងបង្កឱ្យផ្ទះសម្បែង និងអគារមួយចំនួនបាក់រលំ។
ប្រភពពីសារព័ត៌មានAnadolu Agency។
រញ្ជួយដីបានកើតឡើងនៅតំបន់កោះ Flores ក្នុងជម្រៅរាក់ប្រហែល ១០–១៥ គីឡូម៉ែត្រ ដែលធ្វើឱ្យការរញ្ជួយមានកម្លាំងខ្លាំងនៅតំបន់ជាច្រើន។ ប្រជាពលរដ្ឋភ័យខ្លាចបានរត់ចេញពីផ្ទះ និងទៅស្នាក់នៅតាមដងផ្លូវ ដើម្បីសុវត្ថិភាព។
អាជ្ញាធរឥណ្ឌូណេស៊ីបានចេញការព្រមានពីរលកយក្សស៊ូណាមិសម្រាប់តំបន់មួយចំនួន ប៉ុន្តែការព្រមាននេះត្រូវបានលុបចោលវិញនៅពេលក្រោយ។
ឥណ្ឌូណេស៊ីស្ថិតនៅតំបន់ “ខ្សែក្រវាត់ភ្លើងប៉ាស៊ីហ្វិក” ដែលជាតំបន់មានសកម្មភាពភ្នំភ្លើង និងបន្ទាត់ប្រេះស្រទាប់ផែនដីខ្លាំង ដូច្នេះប្រទេសនេះជួបប្រទះរញ្ជួយដីជាញឹកញាប់៕
