បញ្ជាការកណ្តាលសហរដ្ឋអាមេរិក(CENTCOM) បានបង្ហោះរូបភាពនាវាផ្ទុកយន្តហោះUSS George H.W. Bush នៅសមុទ្រអារ៉ាប់ ខណៈកងទ័ពជើងទឹកអាមេរិកកំពុងប្តូរវេននាវាផ្ទុកយន្តហោះនៅតំបន់មជ្ឈិមបូព៌ា។
ប្រភពពីសារព័ត៌មានAnadolu Agency នៅថ្ងៃទី១៦ខែសីហា។
រូបភាពដែលបានបង្ហោះកាលពីថ្ងៃសៅរ៍ បង្ហាញយន្តហោះចម្បាំងហោះចេញពីនាវា ខណៈ CENTCOM បាននិយាយថា នាវានេះកំពុងប្រតិបត្តិការនៅសមុទ្រអារ៉ាប់ ដើម្បីគាំទ្រសន្តិសុខនៅមជ្ឈិមបូព៌ា។
ការបង្ហោះនេះធ្វើឡើងបន្ទាប់ពីប្រធានាធិបតីអាមេរិក Donald Trump បញ្ជាក់ថា USS Abraham Lincoln នឹងត្រូវប្តូរចេញពីតំបន់មជ្ឈិមបូព៌ា ដោយសារការព្រួយបារម្ភអំពីការដាក់ពង្រាយរយៈពេលយូររបស់នាវិក។
សូមបញ្ជាក់ថា៖ USS Abraham Lincoln បានបំពេញបេសកកម្មអស់រយៈពេលជាង ២៥០ថ្ងៃ ហើយមិនបានចូលចតកំពង់ផែអស់ជាង ២០០ថ្ងៃ៕
