អ្នកសង្កេតការណ៍អន្តរជាតិបានបង្ហាញការព្រួយបារម្ភអំពីការគំរាមកំហែង ការបំភិតបំភ័យ និងការចោទប្រកាន់ពីការចាប់ជំរិតក្នុងអំឡុងការបោះឆ្នោតប្រធានាធិបតីនៅប្រទេសហ្សំប៊ី។ ការរាប់សន្លឹកឆ្នោតក៏ត្រូវបានផ្អាកជាបណ្តោះអាសន្ន ដោយសារហេតុការណ៍ហិង្សានៅមណ្ឌលបោះឆ្នោត។
ប្រភពពីសារព័ត៌មានAl Jazeera នៅថ្ងៃទី១៦ខែសីហា។
បេសកកម្មសង្កេតការណ៍ រួមមានសហភាពអឺរ៉ុប និងសហគមន៍អភិវឌ្ឍន៍អាហ្វ្រិកខាងត្បូង (SADC) បានអំពាវនាវឱ្យគណបក្សនយោបាយបន្ថយសារនយោបាយដែលអាចបង្កភាពតានតឹង ខណៈការរាប់សន្លឹកឆ្នោតពីការបោះឆ្នោតទូទៅកាលពីថ្ងៃព្រហស្បតិ៍កំពុងបន្ត។
ការរាប់សន្លឹកឆ្នោតត្រូវបានផ្អាកជាច្រើនម៉ោងកាលពីថ្ងៃសុក្រ បន្ទាប់ពីមានរបាយការណ៍អំពីអំពើហិង្សាលើបុគ្គលិកបោះឆ្នោត និងការចោទប្រកាន់ថា សន្លឹកឆ្នោតមួយចំនួនត្រូវបានលួច។ គណៈកម្មការរៀបចំការបោះឆ្នោតបានបន្តការរាប់ឡើងវិញ បន្ទាប់ពីអះអាងថា ការគំរាមកំហែងដល់ដំណើរការបោះឆ្នោតត្រូវបានគ្រប់គ្រង៕
