មនុស្ស១២នាក់បានស្លាប់និងយ៉ាងហោចណាស់១០នាក់រងរបួសធ្ងន់ បន្ទាប់ពីរថយន្តក្រុងមួយគ្រឿងដឹកអ្នកធ្វើធម្មយាត្រាជនជាតិប៉ូឡូញ៥៧នាក់ បានរេចេញពីផ្លូវល្បឿនលឿន និងក្រឡាប់នៅភាគខាងកើតប្រទេសហុងគ្រី កាលពីម៉ោងប្រមាណ១រំលងអធ្រាត្រ។
ប្រភពពីសារព័ត៌មានReuter នៅថ្ងៃទី១៦ខែសីហា។
នាយករដ្ឋមន្ត្រីហុងគ្រីបានឱ្យដឹងថា រថយន្តក្រុងបានធ្លាក់ចូលប្រឡាយក្បែរផ្លូវ មុនពេលក្រឡាប់។ ក្នុងចំណោមអ្នកជិះទាំងអស់ ក៏មានអ្នកបើកបរ ២នាក់ផងដែរ។
រថយន្តក្រុងនេះកំពុងធ្វើដំណើរត្រឡប់ទៅប្រទេសប៉ូឡូញវិញ បន្ទាប់ពីអ្នកដំណើរបានទៅធ្វើធម្មយាត្រានៅទីសក្ការៈបូជាព្រះនាងម៉ារី នៅទីក្រុង Medjugorje ភាគអាគ្នេយ៍ប្រទេសបូស្ន៊ី និងហឺហ្សេហ្គោវីណា។ សាក្សីម្នាក់បានពិពណ៌នាហេតុការណ៍នេះថា ជាគ្រោះថ្នាក់ដ៏រន្ធត់និងមិនអាចស្រមៃដល់៕
