កាលពីថ្ងៃទី ១៧ ខែសីហា ឆ្នាំ២០២៦ មនុស្សយ៉ាងហោចណាស់៩២នាក់បានស្លាប់ បន្ទាប់ពីសាឡាងមួយបានក្រឡាប់នៅក្នុងបឹង Karibaនៃប្រទេសហ្ស៊ីមបាវ៉េ កាលពី ៦ថ្ងៃមុន។
ប្រភពពីសារព័ត៌មានAl Jazeera។
ប៉ូលិសបានរកឃើញសាកសពចំនួន៨នាក់ទៀត កាលពីថ្ងៃចន្ទ ធ្វើឱ្យចំនួនអ្នកស្លាប់កើនពី៨៤នាក់ទៅ៩២នាក់។ ក្រុមជួយសង្គ្រោះនៅតែបន្តស្វែងរកអ្នកដែលបាត់ខ្លួន។
អាជ្ញាធរបានប្រើប្រាស់ទូក ៤គ្រឿង និងអ្នកមុជទឹកជាង ៤០នាក់ ដើម្បីស្វែងរកសាកសពដែលនៅសល់។
សាឡាងបានក្រឡាប់នៅពេលមាន ខ្យល់ខ្លាំង នៅតំបន់បឹងក្បែរព្រំដែនប្រទេសហ្ស៊ីមបាវ៉េ និងហ្សំប៊ី។ សាឡាងនេះត្រូវបានកំណត់ថា អាចផ្ទុកមនុស្សបានប្រហែល ៩០នាក់ ប៉ុន្តែមានសេចក្តីរាយការណ៍ថា នៅពេលកើតហេតុ អាចមានមនុស្សរហូតដល់ ១៥៣នាក់ នៅលើសាឡាង។
អាជ្ញាធរចាត់ទុកហេតុការណ៍នេះថា ជា គ្រោះថ្នាក់លិចសាឡាងដ៏ធ្ងន់ធ្ងរបំផុតមួយនៅហ្ស៊ីមបាវ៉េ៕
