ក្រុមបក្សពួកប៉ាឡេស្ទីនបានចោទប្រកាន់អ៊ីស្រាអែលថា កំពុងរារាំងការអនុវត្តកិច្ចព្រមព្រៀងឈប់បាញ់នៅតំបន់ហ្គាហ្សា និងមិនបានគោរពការសន្យាដែលបានព្រមព្រៀងក្នុងដំណាក់កាលទី១។
ប្រភពពីសារព័ត៌មានAnadolu Agencyនៅថ្ងៃទី១៨ខែសីហា។
ការចោទប្រកាន់នេះធ្វើឡើងបន្ទាប់ពីមេដឹកនាំ និងតំណាងក្រុមប៉ាឡេស្ទីនជាច្រើនបានជួបប្រជុំគ្នានៅទីក្រុងគែរ ប្រទេសអេហ្ស៊ីប ដើម្បីពិភាក្សាអំពីស្ថានការណ៍នយោបាយ និងការអនុវត្តកិច្ចព្រមព្រៀងឈប់បាញ់នៅហ្គាហ្សា។
ក្រុមទាំងនេះបានអះអាងថា អ៊ីស្រាអែលបានបដិសេធផែនការសម្រាប់ដំណាក់កាលបន្ទាប់ មិនបានអនុវត្តតាមការសន្យាក្នុងដំណាក់កាលទី១ និងនៅតែបន្តរំលោភកិច្ចព្រមព្រៀងជាប្រចាំ។
ប្រទេសទួរគី អេហ្ស៊ីប អារ៉ាប៊ីសាអូឌីត ហ្ស៊កដានី ប៉ាគីស្ថាន ឥណ្ឌូនេស៊ី កាតា និងអេមីរ៉ាតអារ៉ាប់រួម ក៏បានចេញសេចក្តីថ្លែងការណ៍រួម ដោយសម្តែងការព្រួយបារម្ភចំពោះការរារាំងកិច្ចខិតខំប្រឹងប្រែងស្វែងរកសន្តិភាពនៅហ្គាហ្សា និងទឹកដីប៉ាឡេស្ទីនដែលកំពុងត្រូវបានកាន់កាប់៕
