នាវាដឹកទំនិញមួយគ្រឿងត្រូវបានវាយប្រហារដោយគ្រាប់បាញ់មិនស្គាល់ប្រភេទជាច្រើន នៅតំបន់សមុទ្រចម្ងាយប្រមាណ ៤០ ម៉ាយល៍សមុទ្រ ឬ ៧៤ គីឡូម៉ែត្រ ភាគអាគ្នេយ៍នៃទីក្រុង Mokhaរបស់ប្រទេសយេម៉ែន។
ប្រភពពីសារព័ត៌មានAnadolu Agency នៅថ្ងៃទី១៩ខែសីហា។
តាមមជ្ឈមណ្ឌលប្រតិបត្តិការពាណិជ្ជកម្មសមុទ្ររបស់ចក្រភពអង់គ្លេស (UKMTO) នាវានេះមិនមានមនុស្សនៅលើនាវានៅពេលកើតហេតុនោះទេ។ ទោះជាយ៉ាងណា ការវាយប្រហារបានបង្កការខូចខាតយ៉ាងធ្ងន់ធ្ងរ រហូតដល់នាវាត្រូវបានចាត់ទុកថាខូចខាតដល់កម្រិតមិនអាចជួសជុលប្រើប្រាស់ឡើងវិញបាន។
អាជ្ញាធរកំពុងស៊ើបអង្កេត ដើម្បីស្វែងរកមូលហេតុ និងអ្នកដែលនៅពីក្រោយការវាយប្រហារនេះ។ UKMTO បានណែនាំឱ្យនាវាដែលធ្វើដំណើរឆ្លងកាត់តំបន់នេះ បង្កើនការប្រុងប្រយ័ត្ន និងរាយការណ៍ភ្លាមៗ ប្រសិនបើប្រទះឃើញសកម្មភាពគួរឱ្យសង្ស័យ៕
