ប្រធានាធិបតីសហរដ្ឋអាមេរិក ដូណាល់ ត្រាំ បានប្រកាសថា អាមេរិកនឹងចាប់ផ្តើមប្រតិបត្តិការសេដ្ឋកិច្ចដ៏ធ្ងន់ធ្ងរបំផុត ប្រឆាំងនឹងអ៊ីរ៉ង់ ខណៈកិច្ចចរចាដើម្បីបញ្ចប់សង្គ្រាមរវាងប្រទេសទាំងពីរ ដែលបានអូសបន្លាយជាង៥ខែមិនទាន់ទទួលបានលទ្ធផល។
ប្រភពពីសារព័ត៌មានAl Jazeera នៅថ្ងៃទី២០ខែសីហា។
លោក ត្រាំ បានបង្ហោះសារនៅលើបណ្តាញសង្គម Truth Social កាលពីថ្ងៃទី១៩ ខែសីហា ដោយនិយាយថា អ៊ីរ៉ង់បានបរាជ័យក្នុងការចាប់យកឱកាសដើម្បីឈានទៅរកកិច្ចព្រមព្រៀង។ លោកបានព្រមានថា អាមេរិកនឹងបង្កើនការដាក់សម្ពាធសេដ្ឋកិច្ច និងធ្វើឱ្យអ៊ីរ៉ង់នៅឯកោកាន់តែខ្លាំង។
ជាមួយគ្នានេះ លោក ត្រាំ បានព្រមានប្រទេសណាដែលនៅតែបន្តធ្វើពាណិជ្ជកម្ម ឬជួយផ្នែកហិរញ្ញវត្ថុដល់អ៊ីរ៉ង់ថា នឹងប្រឈមនឹងផលវិបាកសេដ្ឋកិច្ចយ៉ាងធ្ងន់ធ្ងរពីសហរដ្ឋអាមេរិក។
លោកបានលើកឡើងជាពិសេសពីការរត់ពន្ធប្រេង ការផ្ទេរសាច់ប្រាក់ ក្រុមហ៊ុនបិទបាំង និងសកម្មភាពហិរញ្ញវត្ថុផ្សេងៗដែលអាចជួយអ៊ីរ៉ង់ឱ្យបន្តសកម្មភាពសេដ្ឋកិច្ចបាន។ លោកក៏បានអំពាវនាវឱ្យប្រទេសជាសម្ព័ន្ធមិត្តរបស់អាមេរិកចូលរួមក្នុងការដាក់សម្ពាធ និងកាត់ផ្តាច់ការគាំទ្រផ្នែកសេដ្ឋកិច្ចដល់អ៊ីរ៉ង់៕
