ប្រទេសសមាជិក NATO មួយចំនួនបានពិភាក្សាអំពីលទ្ធភាពចូលរួមគាំទ្រសេរីភាពនាវាចរណ៍នៅច្រកសមុទ្រ Hormuz ប៉ុន្តែ NATO បញ្ជាក់ថា កិច្ចពិភាក្សានេះមិនមែនជាបេសកកម្មរបស់សម្ព័ន្ធ NATO ទាំងមូលឡើយ។
ប្រភពពីសារព័ត៌មានReuter នៅថ្ងៃទី២២ខែសីហា។
អ្នកនាំពាក្យរបស់មេបញ្ជាការកំពូល NATO បានប្រាប់ Reuters ថា ការប្រជុំតាមវីដេអូត្រូវបានរៀបចំកាលពីថ្ងៃទី១៩ ខែសីហា ដោយមានមន្ត្រីការពារជាតិកម្រិតខ្ពស់ពីប្រទេសសមាជិកដែលចាប់អារម្មណ៍ ដើម្បីពិភាក្សាអំពីការរួមចំណែកដែលអាចជួយធានាសុវត្ថិភាព និងសេរីភាពនៃការធ្វើនាវាចរណ៍នៅច្រកសមុទ្រដ៏សំខាន់នេះ។
ច្រកសមុទ្រ Hormuz គឺជាផ្លូវដឹកជញ្ជូនប្រេងដ៏សំខាន់របស់ពិភពលោក ហើយការរាំងស្ទះចរាចរណ៍នាវានៅតំបន់នេះបានបង្កការព្រួយបារម្ភអំពីការផ្គត់ផ្គង់ថាមពល និងតម្លៃប្រេងពិភពលោក៕
