ប្រធានសភាអ៊ីរ៉ង់ លោក Mohammad Baqer Qalibaf បានអំពាវនាវឱ្យប្រទេសរបស់ខ្លួនរៀបចំផែនការទប់ទល់នឹងអ្វីដែលលោកហៅថាទណ្ឌកម្មអយុត្តិធម៌របស់សហរដ្ឋអាមេរិក។
ប្រភពពីសារព័ត៌មានReuter នៅថ្ងៃ២២ខែសីហា។
ការលើកឡើងនេះធ្វើឡើងមួយថ្ងៃបន្ទាប់ពីរដ្ឋមន្ត្រីរតនាគារអាមេរិក លោក Scott Bessent ប្រកាសថា វ៉ាស៊ីនតោននឹងដាក់ទណ្ឌកម្មថ្មីដែលលោកចាត់ទុកថា មានភាពធ្ងន់ធ្ងរបំផុតមិនធ្លាប់មានលើអ៊ីរ៉ង់ ហើយព័ត៌មានលម្អិតនឹងត្រូវប្រកាសនៅថ្ងៃចន្ទ។
លោក Qalibaf ដែលជាអ្នកចរចាសំខាន់របស់អ៊ីរ៉ង់ក្នុងកិច្ចពិភាក្សាជាមួយអាមេរិក បានសង្កត់ធ្ងន់ថា ការអភិវឌ្ឍសេដ្ឋកិច្ច និងសន្តិសុខរបស់ប្រទេសមានទំនាក់ទំនងយ៉ាងជិតស្និទ្ធ។ លោកក៏បានជំរុញឱ្យអ៊ីរ៉ង់ និងប្រទេសក្នុងតំបន់ពង្រឹងកិច្ចសហប្រតិបត្តិការសេដ្ឋកិច្ច ដើម្បីកាត់បន្ថយការពឹងផ្អែកលើប្រាក់ដុល្លារអាមេរិក។
ភាពតានតឹងនេះកំពុងបង្កើនសម្ពាធលើសេដ្ឋកិច្ចអ៊ីរ៉ង់ ខណៈទីក្រុងវ៉ាស៊ីនតោនបន្តប្រើវិធានការសេដ្ឋកិច្ច ដើម្បីដាក់សម្ពាធលើរដ្ឋាភិបាលទីក្រុងតេហេរ៉ង់៕
