ប្រធានាធិបតីរុស្ស៊ី លោកVladimir Putin បាននិយាយកាលពីថ្ងៃទី២២ ខែសីហា ឆ្នាំ២០២៦ ថាអ៊ុយក្រែននិងប្រទេសលោកខាងលិចមិនបានទទួលផលប្រយោជន៍ពីការវាយប្រហាររុស្ស៊ីឡើយ ហើយនឹងមិនអាចយកឈ្នះរុស្ស៊ីបានទេ។
ប្រភពពីសារព័ត៌មានAnadolu Agency។
លោក Putin បានចោទប្រកាន់អ៊ុយក្រែនថា បានបើកប្រអប់ Pandora បន្ទាប់ពីចាប់ផ្តើមវាយប្រហារលើគោលដៅស៊ីវិល និងហេដ្ឋារចនាសម្ព័ន្ធរបស់រុស្ស៊ី។ លោកថា ការវាយប្រហារទាំងនេះបានបង្កការខូចខាតសេដ្ឋកិច្ច និងបណ្តាលឱ្យមានអ្នកស្លាប់ ប៉ុន្តែមិនបានផ្លាស់ប្តូរស្ថានភាពនៅសមរភូមិឡើយ។
លោកបានបញ្ជាក់ថា រុស្ស៊ីបានបង្កើនការវាយប្រហារលើរោងចក្រឧស្សាហកម្មការពារជាតិរបស់អ៊ុយក្រែន រួមទាំងនៅទីក្រុង Kyiv ដោយអះអាងថា វាជាការឆ្លើយតបទៅនឹងការវាយប្រហាររបស់អ៊ុយក្រែនលើប្រព័ន្ធដឹកជញ្ជូន និងភស្តុភាររបស់រុស្ស៊ី។
លោក Putin ក៏បានអះអាងថា ការវាយប្រហាររបស់រុស្ស៊ីលើកំពង់ផែ និងហេដ្ឋារចនាសម្ព័ន្ធកសិកម្មរបស់អ៊ុយក្រែន នឹងមិនបង្កឱ្យមានការខ្វះស្បៀងអាហារនៅលើទីផ្សារពិភពលោកឡើយ ដោយរុស្ស៊ីនៅតែមានសមត្ថភាពនាំចេញគ្រប់គ្រាន់៕
