(ភ្នំពេញ)៖ កាលពីថ្ងៃទី២២ ខែសីហា ឆ្នាំ២០២៦ សមត្ថកិច្ចខណ្ឌទួលគោក ដឹកនាំដោយ លោក ជា ពិសី អភិបាលខណ្ឌទួលគោក ដោយមានការសម្របសម្រួលនីតិវិធី ពីលោក ទុង រតនា ព្រះរាជអាជ្ញារង អមសាលាដំបូងរាជធានីភ្នំពេញ បានដឹកនាំកម្លាំង ចុះត្រួតពិនិត្យរដ្ឋបាលនៅអគារ ពាណិជ្ជកម្ម KLK Tower សង្កាត់បឹងកក់ទី១ មានកម្ពស់ ១៣ជាន់ (២២បន្ទប់)។
ក្រោយបានចុះត្រួតពិនិត្យ នៅបន្ទប់លេខ R02 ជាន់ទី៧ កម្លាំងបានរក ឃើញ ជនជាតិវៀតណាមចំនួន ០៤នាក់ កំពុងបំពេញការងារ។ ដោយមានការត្រួតពិនិត្យពីកម្លាំងជំនាញការិយាល័យប្រឆាំងបទល្មើសបច្ចេកវិទ្យា នៃស្នងការដ្ឋាននគរបាលរាជធានីភ្នំពេញ បានរកឃើញថាជន ជាតិវៀតណាមទាំង ០៤នាក់នោះ មានការសង្ស័យប្រព្រឹត្តបទល្មើសកម្ចី អនឡាញខុសច្បាប់។
ទន្ទឹមគ្នាផងដែរ កងកម្លាំងបានដកហូតវត្ថុតាងជាសម្ភារៈរួមមាន៖ កុំព្យូទ័រ(All-in-One)ចំនួន ១០គ្រឿង ដោយឡែកបច្ចុប្បន្ននេះជនសង្ស័យជាជនជាតិ វៀតណាមទាំង ០៤នាក់ ត្រូវបានឃាត់ខ្លួនយកមកកាន់ អធិការដ្ឋាននគរបាលខណ្ឌទួលគោក ដើម្បីអនុវត្តតាមនីតិវិធីច្បាប់៕
