ក្រុមសិទ្ធិមនុស្សនៅយេម៉ែនបានចោទប្រកាន់ក្រុមហ៊ូទីថា បានបណ្តាលឱ្យជនស៊ីវិលជិត ៥៩,០០០ នាក់ស្លាប់ ឬរងរបួស ចាប់តាំងពីឆ្នាំ២០១៥ រហូតដល់ពាក់កណ្តាលឆ្នាំ២០២៦។
ប្រភពពីសារព័ត៌មានAnadolu Agency នៅថ្ងៃទី២៣ខែសីហា។
តាមរបាយការណ៍របស់ Yemeni Network for Rights and Freedoms មានជនស៊ីវិល ៥៨,៩០៤ នាក់ បានស្លាប់ ឬរងរបួសក្នុងរយៈពេលនេះ។ ក្នុងនោះ ១៥,៤៧៨ នាក់បានស្លាប់ រួមមានស្ត្រី ១,២១៦ នាក់ និងកុមារ ៩៤៣ នាក់ ខណៈមនុស្ស ៣៥,៦៥៤ នាក់បានរងរបួស។
ក្រុមនេះក៏បាននិយាយថា មីនដែលក្រុមហ៊ូទីដាក់នៅតាមតំបន់លំនៅដ្ឋាន ភូមិ កសិដ្ឋាន និងផ្លូវ បានបណ្តាលឱ្យជនស៊ីវិល ១,៦៣៧ នាក់ស្លាប់ និងជាង ៦,១៣៥ នាក់រងរបួស។ មនុស្សជាង ៧៩៨ នាក់បានពិការជាអចិន្ត្រៃយ៍។
ក្រុមសិទ្ធិមនុស្សបានអំពាវនាវឱ្យសហគមន៍អន្តរជាតិ និងអង្គការសហប្រជាជាតិ ចាត់វិធានការការពារជនស៊ីវិល និងជំរុញឱ្យក្រុមហ៊ូទីគោរពច្បាប់មនុស្សធម៌អន្តរជាតិ។ ក្រុមហ៊ូទីមិនទាន់មានប្រតិកម្មចំពោះរបាយការណ៍នេះនៅឡើយទេ។
សង្គ្រាមនៅយេម៉ែនបានអូសបន្លាយចាប់តាំងពីឆ្នាំ២០១៤ បន្ទាប់ពីក្រុមហ៊ូទីកាន់កាប់រដ្ឋធានី Sanaa និងតំបន់ជាច្រើន។ ជម្លោះនេះបានបង្កវិបត្តិមនុស្សធម៌ធ្ងន់ធ្ងរ ដោយមនុស្សរាប់លាននាក់នៅតែត្រូវការជំនួយមនុស្សធម៌៕
