នៅថ្ងៃទី២៤ ខែសីហា ឆ្នាំ២០២៦ សហរដ្ឋអាមេរិកកំពុងត្រៀមដាក់ទណ្ឌកម្មសេដ្ឋកិច្ចធ្ងន់ធ្ងរលើអ៊ីរ៉ង់ ដោយផ្តោតលើប្រទេសដែលនៅតែធ្វើពាណិជ្ជកម្មជាមួយអ៊ីរ៉ង់។ ទន្ទឹមនឹងនេះ អ៊ីរ៉ង់បានព្រមានថា ខ្លួនអាចបញ្ឈប់ការនាំចេញប្រេងទាំងស្រុង ប្រសិនបើសង្គ្រាមសេដ្ឋកិច្ចនៅតែបន្ត។
ប្រភពពីសារព័ត៌មានReuter។
រដ្ឋមន្ត្រីក្រសួងរតនាគារអាមេរិក លោកScott Bessent បាននិយាយថា វិធានការថ្មីនេះនឹងក្លាយជាការវាយប្រហារផ្នែកហិរញ្ញវត្ថុដ៏ធំបំផុតមួយរបស់អាមេរិកប្រឆាំងនឹងអ៊ីរ៉ង់។ ទីក្រុងវ៉ាស៊ីនតោនក៏បានព្រមានប្រទេសផ្សេងៗដែលបន្តគាំទ្រ ឬធ្វើពាណិជ្ជកម្មជាមួយអ៊ីរ៉ង់ថា ពួកគេអាចប្រឈមនឹងផលវិបាកពីទណ្ឌកម្មថ្មីនេះ។
ជាការឆ្លើយតប មន្ត្រីជាន់ខ្ពស់អ៊ីរ៉ង់ លោកMohsen Rezaei បានព្រមានថា ប្រសិនបើសម្ពាធសេដ្ឋកិច្ចនៅតែបន្ត អ៊ីរ៉ង់នឹងមិនអនុញ្ញាតឱ្យប្រេងរបស់ខ្លួននាំចេញតាមច្រកសមុទ្រ Hormuz ឬតាមទីតាំងផ្សេងទៀតក្នុងឈូងសមុទ្រពែក្សឡើយ។
សូមបញ្ជាក់ថា៖ ច្រកសមុទ្រ Hormuz គឺជាផ្លូវសមុទ្រដ៏សំខាន់សម្រាប់ការដឹកជញ្ជូនប្រេងពិភពលោក។ ការគំរាមកំហែងបិទច្រកនេះបានធ្វើឱ្យការដឹកជញ្ជូនតាមសមុទ្ររងសម្ពាធ និងបង្កការព្រួយបារម្ភថា តម្លៃប្រេង និងឥន្ធនៈនៅលើទីផ្សារពិភពលោកអាចកើនឡើង៕
