សង្គ្រាមរវាងរុស្ស៊ី និងអ៊ុយក្រែនកំពុងកាន់តែធ្ងន់ធ្ងរ ដោយការវាយប្រហាររបស់រុស្ស៊ីបានបណ្តាលឱ្យជនស៊ីវិលស្លាប់កើនឡើងខ្ពស់បំផុតក្នុងរយៈពេលប៉ុន្មានឆ្នាំចុងក្រោយនេះ។
ប្រភពពីសារព័ត៌មានTRT World នៅថ្ងៃទី២៤ខែសីហា។
នៅថ្ងៃចន្ទ អ៊ុយក្រែនបានជួបជាមួយប្រទេសអឺរ៉ុបជាសម្ព័ន្ធមិត្ត ដើម្បីស្នើសុំ ប្រព័ន្ធការពារដែនអាកាស និងអាវុធបន្ថែម សម្រាប់ការពារទីក្រុង និងប្រជាជនពីការវាយប្រហារតាមអាកាសរបស់រុស្ស៊ី។
រដ្ឋធានីកៀវត្រូវបានវាយប្រហារដោយមីស៊ីលជាបន្តបន្ទាប់។ ប្រជាជនរាប់ម៉ឺននាក់ត្រូវចូលជ្រកក្នុងស្ថានីយរថភ្លើងក្រោមដី និងទីជម្រកផ្សេងៗ ដើម្បីការពារខ្លួន។
ទន្ទឹមនឹងនេះ អ៊ុយក្រែនក៏បានបន្តវាយប្រហារទៅលើទីតាំង និងឃ្លាំងផ្គត់ផ្គង់របស់រុស្ស៊ី ដោយមានសេចក្តីរាយការណ៍ពីអគ្គិភ័យនៅឃ្លាំងរបស់ក្រុមហ៊ុន Ozon នៅភាគខាងត្បូងរុស្ស៊ី។
អាជ្ញាធររុស្ស៊ីបានអះអាងថា ការវាយប្រហារដោយដ្រូនរបស់អ៊ុយក្រែនក៏បានបណ្តាលឱ្យកុមារ២នាក់ស្លាប់ និងមនុស្ស៩នាក់រងរបួសផងដែរ។
ស្ថានការណ៍នេះបង្ហាញថា សង្គ្រាមកំពុងកាន់តែខ្លាំងឡើង ខណៈអ៊ុយក្រែនត្រូវការជំនួយការពារដែនអាកាសបន្ថែម ដើម្បីការពារប្រជាជនរបស់ខ្លួន៕
