សហរដ្ឋអាមេរិក បានលុបចោលសមយុទ្ធយោធារួមជាមួយកូរ៉េខាងត្បូង ដែលគ្រោងធ្វើនៅខែក្រោយ ដោយសារកងទ័ពអាមេរិកត្រូវប្រើកម្លាំងនៅតំបន់មជ្ឈិមបូព៌ា ក្នុងបរិបទសង្គ្រាមជាមួយអ៊ីរ៉ង់។
ប្រភពពីសារព័ត៌មានAl Jazeera នៅថ្ងៃទី២៤ខែសីហា។
សមយុទ្ធដែលត្រូវបានលុបចោលមានឈ្មោះថា «Ssangyong»។ វាជាសមយុទ្ធដែលកងម៉ារីនអាមេរិក និងកូរ៉េខាងត្បូងធ្វើរួមគ្នារៀងរាល់ពីរឆ្នាំ ដើម្បីហ្វឹកហាត់ការធ្វើប្រតិបត្តិការយោធារួម និងការចុះចតតាមឆ្នេរ។
ការលុបចោលនេះកើតឡើងបន្ទាប់ពីប្រធានាធិបតីអាមេរិក ដូណាល់ ត្រាំ បានបញ្ជាឱ្យកាត់បន្ថយសមយុទ្ធយោធារួមប្រចាំឆ្នាំ «Ulchi Freedom Shield» ពី ១១ ថ្ងៃមកត្រឹម ៥ ថ្ងៃ ដោយសារស្ថានការណ៍សង្គ្រាមនៅមជ្ឈិមបូព៌ា។
កូរ៉េខាងត្បូង និងអាមេរិកកំពុងពិភាក្សាគ្នា ដើម្បីរកលទ្ធភាពរៀបចំសមយុទ្ធ Ssangyong ឡើងវិញនៅពេលក្រោយ៕
