រដ្ឋាភិបាលជប៉ុនកំពុងពិចារណាផ្តល់ការបន្ធូរបន្ថយពន្ធ ដើម្បីលើកទឹកចិត្តឱ្យក្រុមហ៊ុនធំៗលក់អាជីវកម្មដែលមិនសូវសំខាន់សម្រាប់ខ្លួន ហើយយកប្រាក់នោះទៅវិនិយោគលើអាជីវកម្មដែលមានសក្តានុពលជាង។
ប្រភពពីសារព័ត៌មានReuter នៅថ្ងៃទី២៥ខែសីហា។
បច្ចុប្បន្នក្រុមហ៊ុនជប៉ុនមួយចំនួនកាន់កាប់អាជីវកម្មជាច្រើន ទោះបីអាជីវកម្មខ្លះមិនមែនជាផ្នែកសំខាន់របស់ក្រុមហ៊ុនក៏ដោយ។ ការលក់អាជីវកម្មទាំងនោះអាចត្រូវបង់ពន្ធលើប្រាក់ចំណេញ ដូច្នេះក្រុមហ៊ុនមួយចំនួនមិនសូវចង់លក់។
រដ្ឋាភិបាលកំពុងពិចារណាឱ្យក្រុមហ៊ុនអាច ពន្យារការបង់ពន្ធលើប្រាក់ចំណេញពីការលក់ ប្រសិនបើក្រុមហ៊ុនយកប្រាក់ដែលបានពីការលក់ទៅទិញ ឬវិនិយោគលើអាជីវកម្មថ្មីដែលពាក់ព័ន្ធនឹងអាជីវកម្មស្នូលរបស់ខ្លួន។
គម្រោងនេះក៏ជាផ្នែកមួយនៃការជំរុញ កំណែទម្រង់អភិបាលកិច្ចសាជីវកម្មរបស់ជប៉ុន ក្រោមរដ្ឋាភិបាលនាយករដ្ឋមន្ត្រី Sanae Takaichi៕
