អ៊ីរ៉ង់ និងអូម៉ង់បានចាប់ផ្តើមពិភាក្សាឡើងវិញអំពីការគ្រប់គ្រងចរាចរណ៍តាមច្រកសមុទ្រ Hormuz ខណៈភាពជាប់គាំងក្នុងការចរចារវាងអ៊ីរ៉ង់ និងសហរដ្ឋអាមេរិកនៅតែបន្ត។ ប្រទេសទាំងពីរកំពុងពិចារណាបង្កើតផ្លូវឆ្លងកាត់បណ្តោះអាសន្ន ដើម្បីសម្រួលដល់ការធ្វើដំណើររបស់នាវា។
ប្រភពពីសារព័ត៌មានReuter នៅថ្ងៃទី២៦ខែសីហា។
រដ្ឋមន្ត្រីការបរទេសអូម៉ង់ Sayyid Badr al-Busaidi បានធ្វើទស្សនកិច្ចនៅទីក្រុងតេហេរ៉ង់ និងជួបពិភាក្សាជាមួយរដ្ឋមន្ត្រីការបរទេសអ៊ីរ៉ង់ Abbas Araghchi។ កិច្ចពិភាក្សានេះកើតឡើងនៅពេលអ៊ីរ៉ង់កំពុងប្រឈមនឹងសម្ពាធសេដ្ឋកិច្ចកាន់តែខ្លាំងពីសហរដ្ឋអាមេរិក។
ច្រកសមុទ្រ Hormuz គឺជាផ្លូវដឹកជញ្ជូនថាមពលដ៏សំខាន់របស់ពិភពលោក ដោយមុនពេលសង្គ្រាមចាប់ផ្តើម វាបានដឹកជញ្ជូនប្រហែលមួយភាគប្រាំនៃការផ្គត់ផ្គង់ប្រេង និងឧស្ម័នធម្មជាតិរាវ (LNG) របស់ពិភពលោក។
ទន្ទឹមនឹងនេះ តម្លៃប្រេងបានធ្លាក់ចុះ ទោះបីសហរដ្ឋអាមេរិកបានដាក់ចេញទណ្ឌកម្មថ្មីលើអ៊ីរ៉ង់ក៏ដោយ។ អាមេរិកក៏បានចាប់ផ្តើមនាំបុគ្គលិកមួយចំនួនត្រឡប់ទៅបំពេញបេសកកម្មនៅមជ្ឈិមបូព៌ាឡើងវិញ៕
