កាលពីល្ងាចថ្ងៃទី២៦ ខែសីហា កងកម្លាំងអ៊ីស្រាអែលបានចូលទៅក្នុងភូមិ Taranja ស្ថិតនៅភាគខាងជើងខេត្ត Quneitra ភាគនិរតីរបស់ប្រទេសស៊ីរី ហើយបានឆ្មក់ចូលឆែកឆេរផ្ទះមួយខ្នង។
ប្រភពពីសារព័ត៌មានAnadolu Agency។
តាមប្រព័ន្ធផ្សព្វផ្សាយស៊ីរី កងទ័ពអ៊ីស្រាអែលបានចូលក្នុងភូមិ មុនពេលធ្វើការឆែកឆេរផ្ទះ ប៉ុន្តែមិនទាន់មានព័ត៌មានបន្ថែមថា តើមានមនុស្សត្រូវបានចាប់ខ្លួន ឬមានការប៉ះទង្គិចកើតឡើងដែរឬទេ។
ការចូលលុកលុយរបស់អ៊ីស្រាអែលនៅតំបន់ភាគខាងត្បូងស៊ីរី ជាពិសេសខេត្ត Quneitra និង Daraa បានកើតឡើងជាបន្តបន្ទាប់ ដោយមានការឆែកឆេរ ការចាប់ខ្លួន និងការបង្កើតប៉ុស្តិ៍ត្រួតពិនិត្យយោធា។
សកម្មភាពយោធារបស់អ៊ីស្រាអែលនៅស៊ីរីបានកើនឡើង បន្ទាប់ពីរបបលោក Bashar al-Assad ដួលរលំនៅខែធ្នូ ឆ្នាំ២០២៤។ អ៊ីស្រាអែលបានប្រកាសថា កិច្ចព្រមព្រៀងផ្តាច់កងកម្លាំងឆ្នាំ១៩៧៤ លែងមានប្រសិទ្ធភាព ហើយបានចូលគ្រប់គ្រងតំបន់ទ្រនាប់នៅជិតព្រំដែនស៊ីរី៕
