ប្រទេសចិនបានចាប់ផ្តើមបន្តប្រតិបត្តិការជួយសង្គ្រោះឡើងវិញ បន្ទាប់ពីអាជ្ញាធរបានពិនិត្យឃើញថា ហានិភ័យពីបឹងដែលកើតឡើងដោយសារការបាក់ផ្ទាំងទឹកកក និងការហូរទឹកច្រើន បានថយចុះដល់កម្រិតអាចគ្រប់គ្រងបាន។
ប្រភពពីសារព័ត៌មានReuter នៅថ្ងៃទី២៨ ខែសីហា ឆ្នាំ២០២៦។
ទឹកជំនន់ដ៏ធ្ងន់ធ្ងរបានកើតឡើងនៅតំបន់ព្រំដែនចិន–នេប៉ាល់ កាលពីថ្ងៃពុធ។ ទឹកបានហូរយ៉ាងខ្លាំង បំផ្លាញច្រកព្រំដែន និងកួចយកមនុស្សនិងរថយន្តជាច្រើន។ មនុស្សរាប់រយនាក់ត្រូវបានរាយការណ៍ថាបានស្លាប់។
បន្ទាប់ពីហេតុការណ៍នេះ មានកំណកកំទេចដី និងថ្មរាំងទឹក បង្កើតជាបឹងមួយនៅតំបន់ភ្នំហិម៉ាឡ័យ។ អាជ្ញាធរបារម្ភថា ប្រសិនបើបឹងនេះបាក់ ឬទឹកហូរចេញយ៉ាងខ្លាំង វាអាចបង្កទឹកជំនន់បន្ថែម និងគំរាមកំហែងដល់តំបន់ព្រំដែន។
កាលពីថ្ងៃព្រហស្បតិ៍ ចិន និងនេប៉ាល់បានព្រមានអំពីហានិភ័យទឹកជំនន់បន្ថែម។ ប៉ុន្តែបន្ទាប់ពីចិនបានវាយតម្លៃស្ថានភាពនៅតំបន់ខាងលើនៃបឹង អាជ្ញាធរបានសម្រេចថា ស្ថានការណ៍អាចគ្រប់គ្រងបាន ហើយអនុញ្ញាតឱ្យក្រុមជួយសង្គ្រោះចាប់ផ្តើមការងារឡើងវិញ៕
