ជំនួយមនុស្សធម៌បានចាប់ផ្តើមទៅដល់ប្រជាជនដែលរងគ្រោះមួយចំនួន បន្ទាប់ពីទឹកជំនន់ភ្លាមៗដ៏ធ្ងន់ធ្ងរ បានបំផ្លាញតំបន់ភ្នំតាមព្រំដែនរវាងនេប៉ាល់និងចិន។ ក្រុមសង្គ្រោះកំពុងបន្តស្វែងរក និងជួយប្រជាជនដែលរងគ្រោះ ខណៈទំហំការខូចខាតនៅតែបន្តលេចចេញ។
ប្រភពពីសារព័ត៌មានAp នៅថ្ងៃទី២៩ខែសីហា។
ទីភ្នាក់ងារកុមាររបស់អង្គការសហប្រជាជាតិបានឱ្យដឹងថា កុមារយ៉ាងហោចណាស់១៧,០០០នាក់ ត្រូវការជំនួយមនុស្សធម៌ជាបន្ទាន់។ សាលារៀនចំនួន១៨ត្រូវបានបំផ្លាញនិង២០ទៀតរងការខូចខាត។
កាកបាទក្រហមអន្តរជាតិបានប៉ាន់ប្រមាណថា មនុស្សយ៉ាងហោចណាស់ ៩៣,០០០ នាក់ បានរងផលប៉ះពាល់ និងត្រូវការជំនួយយ៉ាងខ្លាំង។ កុមារមួយចំនួនដែលបែកចេញពីគ្រួសារ ត្រូវបានផ្តល់ទីជម្រកនៅមជ្ឈមណ្ឌលជួយសង្គ្រោះរបស់កងទ័ព ខណៈអាជ្ញាធរកំពុងព្យាយាមស្វែងរក និងបង្រួបបង្រួមពួកគេជាមួយគ្រួសារ។
ក្រុមសង្គ្រោះបានបន្តធ្វើការក្នុងតំបន់ដែលពោរពេញដោយភក់ និងកម្ទេចកម្ទី ដើម្បីស្វែងរកអ្នករងគ្រោះ និងផ្តល់ជំនួយបន្ទាន់៕
