អ៊ីរ៉ង់បានបញ្ជាក់ថា ខ្លួនមិនទាន់មានផែនការប្រញាប់ប្រញាល់ក្នុងការបើកច្រកសមុទ្រ Hormuz ឡើងវិញទេ ខណៈស្ថានការណ៍តំបន់នៅតែមានភាពតានតឹងខ្លាំង។
ប្រភពពីសារព័ត៌មានAl Jazeera នៅថ្ងៃទី៣០ខែសីហា។
អនុរដ្ឋមន្ត្រីការបរទេសអ៊ីរ៉ង់ Kazem Gharibabadi បាននិយាយថា ច្រកសមុទ្រ Hormuz នៅតែបិទ ហើយទីក្រុងតេហេរ៉ង់មិនមានការប្រញាប់ក្នុងការបើកច្រកនេះឡើងវិញឡើយ។ ទន្ទឹមនោះ កងឆ្មាំបដិវត្តន៍អ៊ីស្លាមអ៊ីរ៉ង់ (IRGC) អះអាងថា ខ្លួននៅតែគ្រប់គ្រងច្រកសមុទ្រយ៉ាងរឹងមាំ និងបានចោទប្រកាន់មេដឹកនាំអាមេរិកថា ផ្សព្វផ្សាយព័ត៌មានមិនពិតអំពីការធ្វើដំណើររបស់នាវា ដើម្បីមានឥទ្ធិពលលើតម្លៃថាមពល។
ការបិទច្រក Hormuz បង្កើនការព្រួយបារម្ភអំពីការផ្គត់ផ្គង់ប្រេង និងថាមពលពិភពលោក ព្រោះច្រកសមុទ្រដ៏សំខាន់នេះជាផ្លូវដឹកជញ្ជូនថាមពលសំខាន់មួយរបស់ពិភពលោក៕
