អ៊ីរ៉ង់ បានឈានដល់ការយល់ព្រមជាមួយអូម៉ង់ស្តីពីការរៀបចំការឆ្លងកាត់ច្រកសមុទ្រ Hormuz ប៉ុន្តែការអនុវត្តកិច្ចព្រមព្រៀងនេះ នឹងអាស្រ័យលើការបំពេញកាតព្វកិច្ចរបស់សហរដ្ឋអាមេរិក។
ប្រភពពីសារព័ត៌មានAnadolu Agency នៅថ្ងៃទី៣០ខែសីហា។
លោក Kazem Gharibabadi អនុរដ្ឋមន្ត្រីការបរទេសអ៊ីរ៉ង់ បានបញ្ជាក់ថា ការយល់ព្រមនេះមិនមានន័យថា ច្រកសមុទ្រ Hormuz នឹងបើកដំណើរការភ្លាមៗនោះទេ។ លោកថា អ៊ីរ៉ង់នឹងចាត់វិធានការរបស់ខ្លួន នៅពេលភាគីម្ខាងទៀត ជាពិសេសសហរដ្ឋអាមេរិក បំពេញតាមការប្តេជ្ញាចិត្តរបស់ខ្លួន។
អ៊ីរ៉ង់ក៏បានបញ្ជាក់ថា ច្រកសមុទ្រ Hormuz នៅតែបិទ ហើយនាវាណាដែលចង់ឆ្លងកាត់ ត្រូវមានការសម្របសម្រួល និងការអនុញ្ញាតពីអ៊ីរ៉ង់។ ទីក្រុងតេហេរ៉ង់ក៏អះអាងថា កងកម្លាំងប្រដាប់អាវុធរបស់ខ្លួនកំពុងត្រួតពិនិត្យយ៉ាងពេញលេញលើចលនានាវានៅក្នុងតំបន់។
សូមបញ្ជាក់ថា៖ ភាពតានតឹងរវាងអ៊ីរ៉ង់ និងអាមេរិកនៅតែបន្ត បន្ទាប់ពីការប៉ះទង្គិចយោធា និងការដាក់ទណ្ឌកម្មផ្សេងៗ។ ច្រកសមុទ្រ Hormuz មានសារៈសំខាន់យ៉ាងខ្លាំងចំពោះការនាំចេញប្រេង និងឧស្ម័នពីតំបន់ឈូងសមុទ្រ ដូច្នេះការបិទច្រកនេះអាចប៉ះពាល់ដល់ការដឹកជញ្ជូនថាមពល និងទីផ្សារពិភពលោក៕
