អាជ្ញាធរគ្រោះមហន្តរាយ បាននិយាយថា ទឹកជំនន់ដ៏សាហាវនៅជិតព្រំដែននេប៉ាល់ ជាមួយប្រទេសចិន បានសម្លាប់មនុស្សយ៉ាងហោចណាស់ ៩៥៥នាក់ ខណៈដែលចំនួនអ្នកស្លាប់នៅតែបន្តកើនឡើង ហើយកិច្ចខិតខំប្រឹងប្រែងជួយសង្គ្រោះ បានចូលដល់ថ្ងៃទី៦ហើយ។
សារព័ត៌មានAl Jazeera នៅថ្ងៃទី០១.០៩.២០២៦។
ប្រព័ន្ធផ្សព្វផ្សាយរដ្ឋចិន បានបញ្ជាក់ពីការស្លាប់បន្ថែមចំនួន ១៦នាក់នៅទីបេ ដែលធ្វើឱ្យចំនួនអ្នកស្លាប់ក្នុងតំបន់សរុប៩៥៥នាក់ ដោយមនុស្ស ៤.៤៧១នាក់នៅតែបាត់ខ្លួននៅសងខាងនៃព្រំដែន។
តួលេខចុងក្រោយបំផុត របស់ប្រទេសនេប៉ាល់ រាយបញ្ជីមនុស្ស៣.៩២៥ នាក់បាត់ខ្លួនទូទាំងប្រទេស ក្នុងនោះជនបរទេស៥៩២នាក់។
អ្នកបាត់ខ្លួនជាច្រើន គឺជាកម្មករមកពីគម្រោងវារីអគ្គិសនី ដែលបានទទួលឥទ្ធិពលពេញលេញ នៃចរន្តទឹក ទោះបីជាមន្ត្រីនិយាយថា ចំនួនបុគ្គលិកវារីអគ្គិសនី ដែលមិនបានរាប់បញ្ចូលបានធ្លាក់ចុះមកត្រឹម 639នាក់នៅថ្ងៃច័ន្ទពីចំនួនមុន933 នាក់ក៏ដោយ។
ទីភ្នាក់ងារគ្រោះមហន្តរាយ និយាយថាពលរដ្ឋនេប៉ាល់ចំនួន 3,333នាក់នៅតែបាត់ខ្លួន ដោយតំបន់មួយចំនួនដែលរងផលប៉ះពាល់ខ្លាំងបំផុត រួមមានស្រុក Nuwakot ជាកន្លែងដែលមនុស្ស 1,158 នាក់មិនទាន់បាត់ខ្លួន និងស្រុក Rasuwa ដែលនៅជិតខាងមាន 865 នាក់កំពុងបាត់ខ្លួន។
អ្នកបាត់ខ្លួន ក៏រួមមានទាហានកងទ័ពចំនួន 45 នាក់ មន្ត្រីប៉ូលីសចំនួន 38 នាក់ និងមន្ត្រីគយ និងអន្តោប្រវេសន៍ចំនួន 18 នាក់ផងដែរ។
នៅក្នុងប្រទេសឥណ្ឌា អាជ្ញាធរនៅរដ្ឋ Uttar Pradesh បាននិយាយថាពួកគេបានរកឃើញសាកសពចំនួន17 នាក់ ពីទន្លេដែលហូរមកពីប្រទេសនេប៉ាល់ ។
ដែលត្រូវបានគេជឿថាជាជនរងគ្រោះដោយទឹកជំនន់ ទោះបីជាពួកគេមិនទាន់ត្រូវបានរាប់បញ្ចូលក្នុងចំនួនអ្នកស្លាប់ជាផ្លូវការក៏ដោយ៕
