ប្រធានាធិបតីអាហ្សង់ទីន លោក Javier Milei បានចាត់វិធានការប្រឆាំងនឹងក្រុមហ៊ុនដែលកំពុងរុករកប្រេងនៅតំបន់សមុទ្រជុំវិញកោះ Falkland ដែលស្ថិតក្រោមការគ្រប់គ្រងរបស់អង់គ្លេស។
ប្រភពពីសារព័ត៌មានReuter នៅថ្ងៃទី៥ខែកញ្ញា។
បញ្ហានេះពាក់ព័ន្ធជាពិសេសនឹងគម្រោងប្រេង Sea Lion ដែលក្រុមហ៊ុនអ៊ីស្រាអែល Navitas Petroleum កាន់កាប់ភាគហ៊ុន ៦៥%។ ភាគហ៊ុន ៣៥% ទៀតកាន់កាប់ដោយក្រុមហ៊ុនអង់គ្លេស Rockhopper Exploration។
លោក Milei បានព្រមានថា អ្នកដែលពាក់ព័ន្ធនឹងការរុករកប្រេងនៅ Falkland អាចប្រឈមនឹងទណ្ឌកម្ម។ វិធានការនេះអាចប៉ះពាល់មិនត្រឹមតែក្រុមហ៊ុនប៉ុណ្ណោះទេ ប៉ុន្តែអាចរួមមានម្ចាស់ភាគហ៊ុន អ្នកគ្រប់គ្រងក្រុមហ៊ុន និងអ្នកផ្គត់ផ្គង់ផងដែរ។
ក្រុមហ៊ុនដែលពាក់ព័ន្ធនិយាយថា ពួកគេមានអាជ្ញាបណ្ណស្របច្បាប់ក្នុងការរុករកប្រេង។ ប៉ុន្តែអាហ្សង់ទីនមិនយល់ស្របទេ ដោយចាត់ទុកការរុករកប្រេងនៅតំបន់នេះថា ខុសច្បាប់ ព្រោះអាហ្សង់ទីនអះអាងថា កោះ Falkland ជាទឹកដីរបស់ខ្លួន៕
