រុស្ស៊ីបានបើកការវាយប្រហារតាមអាកាសលើតំបន់មួយចំនួនក្នុងប្រទេសអ៊ុយក្រែន នៅយប់ថ្ងៃទី៥ ខែកញ្ញា។ ការវាយប្រហារនេះបានបណ្តាលឱ្យមនុស្ស៤នាក់ស្លាប់ និង៧នាក់រងរបួស។
ប្រភពពីសារព័ត៌មានAnadolu Agency។
ការវាយប្រហារខ្លាំងមួយបានកើតឡើងនៅតំបន់ Dnipropetrovsk ដោយប៉ះចំរោងចក្រឧស្សាហកម្មមួយនៅទីក្រុង Kamianske។ មនុស្ស៤នាក់បានស្លាប់និង៥នាក់រងរបួស។នៅតំបន់ Kyiv ក៏មានមនុស្ស ២ នាក់រងរបួស និងអគារលំនៅឋាន ៩ ជាន់មួយរងផលប៉ះពាល់ផងដែរ។
អ៊ុយក្រែនអះអាងថា ខ្លួនបានបាញ់ទម្លាក់ដ្រូនរុស្ស៊ី១២៨គ្រឿង ក្នុងយប់នោះ។
ចំណែករុស្ស៊ីវិញ អះអាងថា ខ្លួនបានវាយប្រហារទីតាំងឧស្សាហកម្ម និងទីតាំងផ្គត់ផ្គង់លោហៈសំខាន់ៗ ដែលរុស្ស៊ីថា ត្រូវបានប្រើសម្រាប់ផលិតសម្ភារៈយោធារបស់អ៊ុយក្រែន។
ក្នុងពេលជាមួយគ្នា ប្រធានាធិបតីអ៊ុយក្រែន Volodymyr Zelenskyy បាននិយាយថា អ៊ុយក្រែននឹងមិនវាយប្រហារតាមអាកាសលើរុស្ស៊ី ក្នុងអំឡុងពេលមន្ត្រីអាមេរិកពីររូប គឺ Steve Witkoff និង Jared Kushner ទៅធ្វើកិច្ចពិភាក្សានៅមូស្គូ និងកៀវ៕
