រដ្ឋាភិបាលអាហ្សង់ទីនបានចាប់ផ្តើមនីតិវិធីដាក់ទណ្ឌកម្មលើបុគ្គល និងក្រុមហ៊ុនចំនួន១៥បន្ថែមទៀត ដែលខ្លួនចោទថាបានធ្វើសកម្មភាពរុករកប្រេង និងឧស្ម័នដោយគ្មានការអនុញ្ញាត នៅតំបន់សមុទ្រជុំវិញកោFalkland។
ប្រភពពីសារព័ត៌មានAnadolu Agency នៅថ្ងៃទី៩ខែកញ្ញា។
អាហ្សង់ទីនចាត់ទុកកោះ Falkland ដែលខ្លួនហៅថា «Malvinas» និងតំបន់សមុទ្រជុំវិញនោះថាជាដែនដីដែលខ្លួនមានអធិបតេយ្យភាព។ ប៉ុន្តែកោះនេះបច្ចុប្បន្នស្ថិតក្រោមការគ្រប់គ្រងរបស់អង់គ្លេស ហើយប្រទេសទាំងពីរនៅតែមានជម្លោះលើកម្មសិទ្ធិកោះនេះ។
វិធានការថ្មីរបស់អាហ្សង់ទីនកើតឡើង ខណៈក្រុមហ៊ុនបរទេសកំពុងបង្កើនសកម្មភាពរុករកប្រេងនៅសមុទ្រក្បែរកោះ Falkland។ ក្នុងនោះមានក្រុមហ៊ុនអង់គ្លេស Rockhopper Exploration និងក្រុមហ៊ុន Navitas Petroleum ដែលពាក់ព័ន្ធនឹងគម្រោងប្រេង Sea Lion។
ជាមួយនឹងករណីថ្មីនេះ អាហ្សង់ទីនបានចាប់ផ្តើមនីតិវិធីតាមផ្លូវច្បាប់លើបុគ្គល និងក្រុមហ៊ុនសរុប៦ដែលខ្លួនចាត់ទុកថាបានធ្វើសកម្មភាពពាក់ព័ន្ធនឹងធនធានធម្មជាតិនៅតំបន់មានជម្លោះដោយគ្មានការអនុញ្ញាត។
សូមបញ្ជាក់ថា៖ ប្រធានាធិបតី Javier Milei បានបញ្ជាក់ថា អាហ្សង់ទីននឹងបន្តប្រើប្រាស់វិធានការរដ្ឋបាល ការទូត និងផ្លូវច្បាប់ ដើម្បីការពារការអះអាងអធិបតេយ្យភាពរបស់ខ្លួនលើកោះ Falkland និងដែនសមុទ្រជុំវិញ៕
