មនុស្ស៥នាក់បានស្លាប់និង៤០នាក់ទៀតរងរបួស បន្ទាប់ពីរថយន្តក្រុងមួយ ដែលដឹកភ្ញៀវទេសចរហូឡង់៤៥នាក់ បានក្រឡាប់នៅតំបន់ភ្នំអាល់ដាច់ស្រយាល ភាគខាងកើតប្រទេសស្វីស កាលពីថ្ងៃទី១០ ខែកញ្ញា ឆ្នាំ២០២៦។
ប្រភពពីសារពីសារព័ត៌មានAl Jazeera។
រថយន្តក្រុងបានក្រឡាប់ និងធ្លាក់ទៅក្នុងតំបន់កំពុងសាងសង់មួយ នៅជិតភូមិ Susch។ ក្នុងចំណោមអ្នករងរបួស មាន ៣នាក់ស្ថិតក្នុងស្ថានភាពធ្ងន់, ៧នាក់រងរបួសមធ្យម និង៣០នាក់រងរបួសស្រាល។
ក្រុមសង្គ្រោះបានប្រើ ឧទ្ធម្ភាគចក្រ ៧គ្រឿង និងរថយន្តសង្គ្រោះ ១៣គ្រឿង ដើម្បីជួយ និងបញ្ជូនអ្នករងរបួសទៅមន្ទីរពេទ្យ។ អត្តសញ្ញាណអ្នកស្លាប់មិនទាន់ត្រូវបានប្រកាសនៅឡើយ។
សូមបញ្ជាក់ថា៖ ប៉ូលិសស្វីសកំពុងស៊ើបអង្កេត ដើម្បីរកមូលហេតុដែលបណ្តាលឱ្យរថយន្តក្រុងក្រឡាប់។ ប្រធានាធិបតីស្វីស និងព្រះមហាក្សត្រ ព្រមទាំងព្រះមហាក្សត្រីនៃប្រទេសហូឡង់ បានសម្តែងការសោកស្តាយ និងផ្ញើសាររំលែកទុក្ខដល់គ្រួសារជនរងគ្រោះ៕
