កម្មករវារីអគ្គិសនីនេប៉ាល់ម្នាក់ឈ្មោះ Sanjay Sah អាយុ ៣០ឆ្នាំ បានរស់រានមានជីវិត បន្ទាប់ពីជាប់នៅក្នុងផ្លូវរូងក្រោមដីដែលលិចទឹកអស់រយៈពេល១០ថ្ងៃ។
ប្រភពពីសារព័ត៌មានAFP នៅថ្ងៃទី១៣ខែកញ្ញា។
គាត់បានប្រាប់ថា នៅពេលជាប់ក្នុងនោះ គាត់រស់នៅក្នុងភាពងងឹត ផឹកទឹកលាយភក់ និងមិនដឹងថាថ្ងៃណា ឬយប់ណាទេ។ គាត់បានអធិស្ឋាន និងរង់ចាំក្រុមជួយសង្គ្រោះ។
នៅថ្ងៃទី ៤ ខែកញ្ញា ក្រុមជួយសង្គ្រោះបានរកឃើញ និងនាំគាត់ចេញមកក្រៅដោយសុវត្ថិភាព។ ពេលចេញមក គាត់បានសួរថា «ខ្ញុំជាប់នៅទីនេះប៉ុន្មានថ្ងៃហើយ?»។ ពេលគេប្រាប់ថា ១០ថ្ងៃ គាត់ភ្ញាក់ផ្អើល ព្រោះគាត់គិតថាទើបតែប៉ុន្មានថ្ងៃប៉ុណ្ណោះ។
គ្រោះមហន្តរាយនេះកើតឡើងដោយសារទឹកជំនន់ធ្ងន់ធ្ងរ កាលពីថ្ងៃទី ២៦ ខែសីហា បន្ទាប់ពីភ្នំទឹកកកបាក់រលំនៅតំបន់ព្រំដែនចិន-នេប៉ាល់។ គ្រោះមហន្តរាយបានសម្លាប់មនុស្សយ៉ាងហោចណាស់ ១,៤២៩នាក់ និងមនុស្សជាង ៥,៦៤០នាក់ បាត់ខ្លួន។
ការរស់រានមានជីវិតរបស់ Sah ត្រូវបានចាត់ទុកថា ជា ក្តីសង្ឃឹមមួយក្នុងគ្រោះមហន្តរាយដ៏ធ្ងន់ធ្ងរនេះ។ ពេលគាត់ត្រឡប់ដល់ផ្ទះ ម្តាយ និងសាច់ញាតិបានស្វាគមន៍គាត់យ៉ាងរំភើប និងសប្បាយរីករាយ៕
