ទីភ្នាក់ងារអន្តោប្រវេសន៍អន្តរជាតិរបស់អង្គការសហប្រជាជាតិ (IOM) បានឲ្យដឹងថាមនុស្សជិត១០ម៉ឺននាក់ ត្រូវបានបង្ខំឱ្យភៀសខ្លួនចេញពីផ្ទះនៅរដ្ឋBlue Nileភាគអាគ្នេយ៍ប្រទេសស៊ូដង់ ដោយសារការប្រយុទ្ធកាន់តែខ្លាំងឡើង។
ប្រភពពីសារព័ត៌មានAnadolu Agency នៅថ្ងៃទី១៤ខែកញ្ញា។
ចាប់ពីថ្ងៃទី១១ខែមករា ដល់ថ្ងៃទី ២៣ ខែសីហា ឆ្នាំ២០២៦ មានមនុស្សប្រមាណ ៩៩,២៧៧នាក់ ឬប្រហែល ១៩,៤៩៧គ្រួសារ ត្រូវបានផ្លាស់ទីលំនៅ។ ចំនួននេះកើនឡើង ៦៦% បើប្រៀបធៀបនឹងការរាប់កាលពីខែឧសភា ដែលមានជាង ៥៩,៧០០នាក់។
ក្នុងចំណោមអ្នកភៀសខ្លួនទាំងនេះ ៤៧% ជាកុមារអាយុក្រោម ១៨ឆ្នាំ។ មនុស្សជាច្រើនបានទៅស្នាក់នៅតំបន់ផ្សេងៗក្នុងរដ្ឋ Blue Nile ដោយខ្លះរស់នៅតាមទីតាំងប្រមូលផ្តុំមិនផ្លូវការ ខ្លះស្នាក់នៅជាមួយគ្រួសារម្ចាស់ផ្ទះ និងខ្លះទៀតស្នាក់នៅតាមសាលារៀន ឬអគារសាធារណៈ។
ការប្រយុទ្ធនៅរដ្ឋ Blue Nile កាន់តែខ្លាំងឡើង ដោយកងទ័ពស៊ូដង់កំពុងប្រយុទ្ធជាមួយកងកម្លាំង Rapid Support Forces (RSF) និងក្រុមសម្ព័ន្ធមិត្តរបស់ពួកគេ។
សង្គ្រាមនៅស៊ូដង់បានចាប់ផ្តើមតាំងពីខែមេសា ឆ្នាំ២០២៣ ហើយបានបណ្តាលឱ្យមនុស្សរាប់ម៉ឺននាក់ស្លាប់ និងប្រហែល ១៣លាននាក់ត្រូវបានផ្លាស់ទីលំនៅ៕
