ប្រធានាធិបតីអ៊ីរ៉ង់ លោកMasoud Pezeshkian បាននិយាយកាលពីថ្ងៃអាទិត្យថា អ៊ីរ៉ង់ និង អេមីរ៉ាតអារ៉ាប់រួម (UAE) បានយល់ព្រមពង្រឹងទំនាក់ទំនងទ្វេភាគី និងពង្រីកកិច្ចសហប្រតិបត្តិការរវាងប្រទេសទាំងពីរ។
ប្រភពពីសារព័ត៌មានAnadolu Agency នៅថ្ងៃទី១៤ខែកញ្ញា។
លោក Pezeshkian បានជួបជាមួយ ព្រះអង្គម្ចាស់ Khaled bin Mohamed bin Zayed Al Nahyan នៃទីក្រុង Abu Dhabi នៅក្រៅកិច្ចប្រជុំកំពូល BRICS ក្នុងទីក្រុង New Delhi ប្រទេសឥណ្ឌា។
មេដឹកនាំទាំងពីរបានពិភាក្សាអំពី ទំនាក់ទំនងនាពេលអនាគត ការអភិវឌ្ឍក្នុងតំបន់ និងវិធីកាត់បន្ថយភាពតានតឹង ដើម្បីពង្រឹងសន្តិភាព និងស្ថិរភាពក្នុងតំបន់។
លោក Pezeshkian បាននិយាយថា ប្រទេសទាំងពីរចង់ ទុកបញ្ហាអតីតកាលចោល និងផ្តោតលើអនាគត ដោយស្វែងរកការយល់ឃើញរួមសម្រាប់កិច្ចសហប្រតិបត្តិការ។
ការជួបគ្នានេះកើតឡើង ខណៈជម្លោះរវាង អ៊ីរ៉ង់ និងសហរដ្ឋអាមេរិក នៅតែបន្ត ដោយមានការវាយប្រហារលើទីតាំងយោធា ថាមពល និងហេដ្ឋារចនាសម្ព័ន្ធសេដ្ឋកិច្ចរបស់អ៊ីរ៉ង់ និងការវាយប្រហារឆ្លើយតបរបស់អ៊ីរ៉ង់នៅតំបន់៕
