ក្រុមហ៊ុនប្រេងBP បានឱ្យដឹងថា ខ្លួនកំពុងបន្តចរចាជាមួយសហជីពកម្មករនៅរោងចក្រចម្រាញ់ប្រេងWhiting ក្នុងរដ្ឋIndianaរបស់សហរដ្ឋអាមេរិក។
ប្រភពពីសារព័ត៌មានReuter នៅថ្ងៃទី១៥ខែកញ្ញា។
ការចរចានេះគឺពាក់ព័ន្ធនឹង ប្រាក់ខែ និងលក្ខខណ្ឌការងារ របស់កម្មករ។ ទោះបីកំពុងចរចាគ្នាក៏ដោយ រោងចក្រនៅតែ ដំណើរការធម្មតា និងមិនមានការរំខាន។
ក្រុមហ៊ុនប្រេងBP បានស្នើកិច្ចសន្យាថ្មីរយៈពេល ៦ឆ្នាំ និងស្នើដំឡើងប្រាក់ខែមូលដ្ឋានសរុប ១៣% ក្នុងរយៈពេល៤ឆ្នាំដំបូង។ កម្មករដែលយល់ព្រមលើកិច្ចសន្យាថ្មី នឹងអាចទទួលបានប្រាក់រង្វាន់ ២,៥០០ដុល្លារ ហើយកម្មករមួយចំនួនអាចទទួលប្រាក់បន្ថែមពី ៥,០០០ ដល់ ៧,៥០០ដុល្លារ។
ក្រុមហ៊ុនប្រេងBP និងសហជីពបាននិយាយថា ការចរចាមានភាពវិជ្ជមាន ហើយភាគីទាំងពីរនឹង ជួបចរចាបន្តនៅចុងសប្តាហ៍នេះ៕
