រដ្ឋមន្ត្រីការពារជាតិអាមេរិក លោក Pete Hegseth និងរដ្ឋមន្ត្រីការពារជាតិអាល្លឺម៉ង់ លោក Boris Pistorius បានជួបគ្នានៅទីក្រុងWashington កាលពីថ្ងៃទី១៥ ខែកញ្ញា ដើម្បីពិភាក្សាអំពីការពង្រឹងសមត្ថភាពយោធារបស់NATO និងការបង្កើនការចំណាយលើវិស័យការពារជាតិរបស់ប្រទេសអឺរ៉ុប។
ប្រភពពីសារព័ត៌មានAnadolu Agency។
លោកHegseth បានលើកឡើងពីគំនិត “NATO 3.0” ដែលមានគោលបំណងពង្រឹងកម្លាំងយោធារបស់សម្ព័ន្ធមិត្ត បង្កើនការផលិតសម្ភារៈយោធា និងឱ្យប្រទេសអឺរ៉ុបមានតួនាទីកាន់តែធំក្នុងការការពារអឺរ៉ុប ជំនួសការពឹងផ្អែកខ្លាំងលើកងទ័ពអាមេរិក។
អាល្លឺម៉ង់បានបញ្ជាក់ថា ខ្លួនគាំទ្រឱ្យប្រទេសអឺរ៉ុបចូលរួមទទួលខុសត្រូវកាន់តែច្រើនចំពោះការការពារអឺរ៉ុប។ អាល្លឺម៉ង់ក៏កំពុងបង្កើនការចំណាយ និងការវិនិយោគលើវិស័យយោធារបស់ខ្លួនផងដែរ។
ក្នុងជំនួបនេះ ប្រទេសទាំងពីរក៏បានចុះហត្ថលេខាលើកិច្ចព្រមព្រៀងមួយ ដើម្បីសម្របសម្រួលការទិញ និងផលិតសម្ភារៈការពារជាតិ។ កិច្ចព្រមព្រៀងនេះអាចជួយឱ្យអាមេរិក និងអាល្លឺម៉ង់ រួមគ្នាអភិវឌ្ឍ ផលិត ជួសជុល និងថែទាំឧបករណ៍យោធា បានកាន់តែច្រើន៕
