យ៉ាងហោចណាស់មនុស្ស៥នាក់បានស្លាប់ និង៧នាក់ផ្សេងទៀតរងរបួស បន្ទាប់ពីរុស្ស៊ីបានប្រើដ្រូនវាយប្រហារទៅលើរថយន្តដឹកអ្នកដំណើរមួយនៅជិតទីក្រុង Nikopol ក្នុងតំបន់ Dnipropetrovsk ភាគអាគ្នេយ៍អ៊ុយក្រែន កាលពីថ្ងៃទី១៦ ខែកញ្ញា ឆ្នាំ២០២៦។
ប្រភពពីសារព័ត៌មានAl Jazeera។
អាជ្ញាធរអ៊ុយក្រែនបាននិយាយថា រថយន្តតូចដែលដឹកប្រជាជនធ្វើដំណើរប្រចាំថ្ងៃ ត្រូវបានវាយប្រហារ បណ្តាលឱ្យកញ្ចក់រថយន្តបែក និងមានអ្នកស្លាប់និងរបួស។ រូបភាពដែលអាជ្ញាធរបង្ហោះក៏បង្ហាញពីស្នាមឈាមនៅលើរថយន្តផងដែរ។
ទីក្រុង Nikopol ស្ថិតនៅជាប់ទន្លេ Dnipro និងនៅទល់មុខរោងចក្រថាមពលនុយក្លេអ៊ែរ Zaporizhzhia ដែលស្ថិតក្រោមការគ្រប់គ្រងរបស់កងទ័ពរុស្ស៊ី។
រុស្ស៊ីមិនទាន់មានប្រតិកម្មភ្លាមៗចំពោះការចោទប្រកាន់នេះទេ។
អង្គការសហប្រជាជាតិបានឱ្យដឹងថា ចំនួនជនស៊ីវិលស្លាប់នៅអ៊ុយក្រែនបានកើនឡើងខ្លាំងនៅឆ្នាំ២០២៦។ ក្នុងរយៈពេល៦ខែដំបូងនៃឆ្នាំនេះ ជនស៊ីវិលយ៉ាងហោចណាស់ ១,៣៩៦នាក់បានស្លាប់ និង ៧,៩៧៨នាក់រងរបួស ដែលកើនឡើង ៣៧% បើធៀបនឹងរយៈពេលដូចគ្នាកាលពីឆ្នាំមុន៕
