អគារមួយនៅទីក្រុងហ្គាហ្សា ដែលមានមនុស្សប្រមាណ១០០នាក់រស់នៅ បានបាក់រលំកាលពីព្រឹកថ្ងៃទី១៦ ខែកញ្ញា ឆ្នាំ២០២៦ ខណៈអ្នកស្នាក់នៅកំពុងដេក។ ហេតុការណ៍នេះបណ្តាលឱ្យមនុស្សយ៉ាងហោចណាស់១៩នាក់ស្លាប់ និង ២៥នាក់រងរបួស។
ប្រភពពីសារព័ត៌មានAP។
ក្រសួងសុខាភិបាលហ្គាហ្សាបានឱ្យដឹងថា ក្នុងចំណោមអ្នកស្លាប់ មានយ៉ាងហោចណាស់ ១៣នាក់ជាស្ត្រី និងកុមារ។ ក្រុមជួយសង្គ្រោះនៅតែបន្តជីកកកាយគំនរបាក់បែក ដើម្បីស្វែងរកមនុស្សជាច្រើននាក់ទៀតដែលអាចនៅជាប់ខាងក្នុង។
អគារនេះធ្លាប់រងការខូចខាតពីការវាយប្រហាររបស់អ៊ីស្រាអែលក្នុងសង្គ្រាមមុន ហើយត្រូវបានចាត់ទុកថាមានសភាពមិនស្ថិតស្ថេរ។
អង្គការសហប្រជាជាតិបាននិយាយថា ប្រជាជនប្រមាណ ២លាននាក់នៅហ្គាហ្សា កំពុងរស់នៅក្នុងតំបន់ដែលមានទំហំតិចជាងពាក់កណ្តាលនៃទឹកដីហ្គាហ្សាទាំងមូល ហើយពឹងផ្អែកយ៉ាងខ្លាំងលើជំនួយមនុស្សធម៌។
ចាប់តាំងពីមានកិច្ចព្រមព្រៀងឈប់បាញ់មក ការសាងសង់ឡើងវិញនៅហ្គាហ្សាមិនទាន់ចាប់ផ្តើមទេ។ អ៊ីស្រាអែលបាននិយាយថា ខ្លួននឹងមិនអនុញ្ញាតឱ្យមានការសាងសង់ឡើងវិញ រហូតដល់ក្រុមហាម៉ាសព្រមដាក់អាវុធចុះ៕
