ប៉ុន្មានសប្តាហ៍ ក្រោយគ្រោះទឹកជំនន់ដ៏ធ្ងន់ធ្ងរនៅប្រទេសនេប៉ាល់ អាជ្ញាធរបានឱ្យដឹងថាមនុស្សប្រហែល៥,២០០នាក់នៅបន្តបាត់ខ្លួន ខណៈសាកសពដែលរកឃើញភាគច្រើនមិនទាន់អាចកំណត់អត្តសញ្ញាណបាន។
ប្រភពពីសារព័ត៌មានReuter នៅថ្ងៃទី១៧ខែកញ្ញា។
អាជ្ញាធរគ្រប់គ្រងគ្រោះមហន្តរាយនេប៉ាល់បាននិយាយថា គ្រោះមហន្តរាយនេះបានបណ្តាលឱ្យមនុស្សយ៉ាងហោចណាស់ ១,៣៩៩នាក់ស្លាប់ រួមទាំងជនបរទេស ៦៣៦នាក់។ ទឹក ភក់ និងថ្មបានហូរចុះពីតំបន់ភ្នំ បន្ទាប់ពីការរលំទឹកកក ធ្វើឱ្យសហគមន៍ភ្នំ និងតំបន់រោងចក្រវារីអគ្គិសនីរងការខូចខាតយ៉ាងខ្លាំង។
អាជ្ញាធរបានប្រមូលសំណាក DNA ពីសាកសពចំនួន ១,២០៦នាក់ និងពីសមាជិកគ្រួសាររបស់អ្នកបាត់ខ្លួនចំនួន ១,៨៨៩នាក់ ដើម្បីជួយកំណត់អត្តសញ្ញាណ។ ប៉ុន្តែរហូតមកដល់ពេលនេះ មានសាកសពតែ ១០៥នាក់ប៉ុណ្ណោះ ដែលត្រូវបានកំណត់អត្តសញ្ញាណ និងប្រគល់ជូនក្រុមគ្រួសារ។
ស្ថានការណ៍នេះធ្វើឱ្យគ្រួសាររាប់ពាន់នាក់នៅតែរង់ចាំព័ត៌មានអំពីមនុស្សជាទីស្រឡាញ់របស់ពួកគេ ខណៈក្តីសង្ឃឹមក្នុងការរកឃើញអ្នកនៅរស់កាន់តែថយចុះ៕
