ចិនបានស្នើជាសម្ងាត់ទៅអ៊ីរ៉ង់ ឱ្យជួយទប់ស្កាត់ក្រុមហ៊ូទីនៅយេម៉ែន បន្ទាប់ពីអារ៉ាប៊ីសាអូឌីតបានស្នើឱ្យចិនជួយ ដោយសារសកម្មភាពយោធារបស់ក្រុមហ៊ូទីកាន់តែខ្លាំងឡើងក្នុងសប្តាហ៍កន្លងមក។
ប្រភពបាននិយាយថា អារ៉ាប៊ីសាអូឌីតបានស្វែងរកជំនួយពីចិន បន្ទាប់ពីក្រុមហ៊ូទីបានរីកចម្រើនយ៉ាងឆាប់រហ័សតាមបណ្តោយឆ្នេរសមុទ្រក្រហម និងជុំវិញ ច្រក Bab el-Mandeb ដែលជាតំបន់សំខាន់សម្រាប់ការដឹកជញ្ជូនតាមសមុទ្រ។
ស្ថានការណ៍នេះធ្វើឱ្យការនាំចេញប្រេងរបស់អារ៉ាប៊ីសាអូឌីត និងនាវាដឹកទំនិញប្រឈមនឹងហានិភ័យកាន់តែខ្លាំង។ សម្រាប់ចិន ការកើនឡើងនៃភាពតានតឹងនៅសមុទ្រក្រហមក៏ជាក្តីបារម្ភ ព្រោះតំបន់នេះមានសារៈសំខាន់ចំពោះ ផ្លូវដឹកជញ្ជូនថាមពលទៅកាន់ប្រទេសចិន។
យ៉ាងណា ប្រភព Reuters បានបញ្ជាក់ថា មិនទាន់ច្បាស់ថា អ៊ីរ៉ង់នឹងឆ្លើយតបយ៉ាងដូចម្តេចចំពោះសំណើរបស់ចិន៕
