នៅថ្ងៃទី១៨ ខែកញ្ញា ឆ្នាំ២០២៦ តម្លៃប្រេងបានធ្លាក់ចុះ ខណៈការព្រួយបារម្ភថា អារ៉ាប៊ីសាអូឌីតអាចមានបញ្ហាថយចុះក្នុងការផ្គត់ផ្គង់ប្រេង។ ទោះជាយ៉ាងណា តម្លៃប្រេងនៅតែស្ថិតនៅលើ ១០០ ដុល្លារក្នុងមួយបារ៉ែល ដោយសារភាពតានតឹងនៅមជ្ឈិមបូព៌ានៅតែបន្ត។
ប្រភពពីសារព័ត៌មានReuter។
តម្លៃប្រេង Brent បានធ្លាក់ចុះ 0.88 ដុល្លារ ឬ 0.84% មកនៅប្រហែល 103.94 ដុល្លារ/បារ៉ែល ខណៈប្រេងអាមេរិក WTI មានតម្លៃប្រហែល 102.15 ដុល្លារ/បារ៉ែល។
ការព្រួយបារម្ភពីការខ្វះប្រេងបានធូរស្រាល ដោយសារអារ៉ាប៊ីសាអូឌីតបានបង្កើនការដឹកប្រេងតាមប្រទេសអូម៉ង់ ហើយស្តុកផលិតផលប្រេងនៅអាមេរិក សិង្ហបុរី និងអឺរ៉ុបបានកើនឡើង។ ចិនក៏បានបង្កើនការនាំចេញប្រេងឥន្ធនៈផងដែរ។
ទន្ទឹមនឹងនេះ អារ៉ាប៊ីសាអូឌីត និងក្រុមហ៊ូទីនៅយេម៉ែន បានបាញ់ប្រហារឆ្លើយតបគ្នាជាថ្មី ដែលធ្វើឱ្យមានការព្រួយបារម្ភថា ជម្លោះនៅមជ្ឈិមបូព៌ាអាចរីកធំឡើង។
មុននេះ តម្លៃប្រេងបានឡើងជិតកម្រិតខ្ពស់បំផុតក្នុងរយៈពេល៤ខែ បន្ទាប់ពីមានព័ត៌មានថា ការដឹកប្រេងពីមជ្ឈមណ្ឌលនាំចេញ Yanbu របស់អារ៉ាប៊ីសាអូឌីតត្រូវបានផ្អាក និងការវាយប្រហារបានប៉ះពាល់ដល់បំពង់បង្ហូរប្រេង East-West៕
