ប្រធានាធិបតីអ៊ុយក្រែន លោក Volodymyr Zelenskyy បានប្រកាសបង្កើតកិច្ចសហប្រតិបត្តិការតំបន់ថ្មីមួយ ដែលមានឈ្មោះថា «Carpathian Eight» (C8)។
ប្រភពពីសារព័ត៌មានAA news នៅថ្ងៃទី១៩ខែកញ្ញា។
កិច្ចប្រជុំកំពូលលើកដំបូង ត្រូវបានរៀបចំឡើងនៅអ៊ុយក្រែន ដោយមានការចូលរួមពី អ៊ុយក្រែន រ៉ូម៉ានី ស៊ែប៊ី ប៉ូឡូញ ស្លូវ៉ាគី សាធារណរដ្ឋឆេក អូទ្រីស និងហុងគ្រី ព្រមទាំងសហភាពអឺរ៉ុប (EU)។
លោក Zelenskyy បានស្នើឱ្យប្រទេសទាំងនេះពង្រឹង ផ្លូវថ្នល់ និងផ្លូវដែក ការដឹកជញ្ជូនទំនិញ និងការធ្វើចលនាយោធា ដើម្បីជួយពង្រឹងសមត្ថភាពការពារ និងសេដ្ឋកិច្ចក្នុងតំបន់។
លោកក៏បានជំរុញឱ្យមានការតភ្ជាប់ប្រព័ន្ធថាមពលរវាងប្រទេសនានា និងបង្កើនការវិនិយោគលើ ថាមពលកកើតឡើងវិញ កន្លែងស្តុកថាមពល រ៉ែសំខាន់ៗ និងវិស័យផលិតកម្ម។
បន្ទាប់ពីកិច្ចប្រជុំ ប្រទេសដែលចូលរួមបានអនុម័តសេចក្តីប្រកាសមួយ ដោយបង្ហាញការត្រៀមខ្លួនប្រើ C8 ជាវេទិកាសម្រាប់សម្របសម្រួលកិច្ចការរួម និងជំរុញការធ្វើសមាហរណកម្មជាមួយអឺរ៉ុប៕
