អ៊ីស្រាអែលគ្រោងស្នើសុំសមត្ថភាពការពារជាតិ និងអាវុធទំនើបបន្ថែមពីសហរដ្ឋអាមេរិក បន្ទាប់ពីអាមេរិកយល់ព្រមលក់យន្តហោះចម្បាំង F-35 ទៅឱ្យអារ៉ាប៊ីសាអូឌីត។
ប្រភពពីសារព័ត៌មានTRT World នៅថ្ងៃទី១៩ខែកញ្ញា។
តាមសារព័ត៌មានអ៊ីស្រាអែល Walla កាលពីថ្ងៃសុក្រ មន្ត្រីអ៊ីស្រាអែលចង់ទិញប្រព័ន្ធអាវុធមួយចំនួនដែលរដ្ឋាភិបាលលោក ដូណាល់ ត្រាំ ធ្លាប់មិនយល់ព្រមលក់ឱ្យអ៊ីស្រាអែល។
អាវុធដែលអ៊ីស្រាអែលចង់បាន រួមមានគ្រាប់បែកសម្រាប់វាយប្រហារទីតាំងក្រោមដី ប្រព័ន្ធដែលអាចប្រតិបត្តិការនៅជ្រៅក្រោមភ្នំថ្ម និងសមត្ថភាពអាវុធដែលពាក់ព័ន្ធនឹងអវកាស។ អ៊ីស្រាអែលក៏ចង់អភិវឌ្ឍ និងផលិតយន្តហោះស្ទាក់ចាប់ផងដែរ។
ការស្នើសុំនេះកើតឡើងបន្ទាប់ពីអាមេរិកអនុម័តកិច្ចព្រមព្រៀងតម្លៃប្រមាណ ២៤.៣ ពាន់លានដុល្លារ ដែលនឹងធ្វើឱ្យអារ៉ាប៊ីសាអូឌីតក្លាយជាប្រទេសអារ៉ាប់ដំបូងគេដែលប្រើយន្តហោះ F-35។ ការលក់នេះក៏នឹងបញ្ចប់ស្ថានភាពដែលអ៊ីស្រាអែលជាប្រទេសតែមួយនៅមជ្ឈិមបូព៌ាដែលមាន F-35៕
