មនុស្សយ៉ាងហោចណាស់៣១នាក់បានស្លាប់ និងជាង១០០នាក់រងរបួស ក្នុងការវាយប្រហារដោយការផ្ទុះ និងការបាញ់ប្រហារ នៅបរិវេណប៉ូលិសក្នុងទីក្រុង Kohat ខេត្ត Khyber Pakhtunkhwa ភាគពាយ័ព្យប្រទេសប៉ាគីស្ថាន កាលពីថ្ងៃទី១៨ ខែកញ្ញា។
ប្រភពពីសារព័ត៌មានTRT World។
មន្ត្រីប៉ូលិសបាននិយាយថា ក្នុងចំណោមអ្នកស្លាប់មាន ប៉ូលិស ១៦នាក់។ ការវាយប្រហារបានកើតឡើងនៅជិតវិហារអ៊ីស្លាម ខណៈមនុស្សកំពុងប្រមូលផ្តុំសម្រាប់ការអធិស្ឋានថ្ងៃសុក្រ។
តាមមន្ត្រី បន្ទាប់ពីការផ្ទុះ ក្រុមខ្មាន់កាំភ្លើងបានចូលវាយប្រហារបរិវេណប៉ូលិស ហើយការបាញ់ប្រហាររវាងកងកម្លាំងសន្តិសុខ និងក្រុមវាយប្រហារនៅតែបន្ត។ មន្ត្រីបាននិយាយថា ខ្មាន់កាំភ្លើងមួយចំនួននៅតែស្ថិតក្នុងអគារផ្នែកពិសេសរបស់ប៉ូលិស។
មន្ទីរសុខាភិបាលក្នុងតំបន់បានឱ្យដឹងថា អ្នករងរបួសជាង ១០០នាក់ ភាគច្រើនជាប៉ូលិស ហើយមួយចំនួនស្ថិតក្នុងស្ថានភាពធ្ងន់ធ្ងរ។
ក្រុម IMP ដែលជាក្រុមក្នុងតំបន់ និងមានទំនាក់ទំនងជាមួយ Tehrik-i-Taliban Pakistan (TTP) បានអះអាងថា ខ្លួនជាអ្នកទទួលខុសត្រូវចំពោះការវាយប្រហារនេះ៕
