អាមេរិកកំពុងពិចារណាផ្តល់ប្រាក់៥ពាន់លានដុល្លារ ដើម្បីបង្កើតមូលនិធិអន្តរជាតិ សម្រាប់ជួសជុលទីតាំងប្រេង និងឧស្ម័ននៅតំបន់ឈូងសមុទ្រ ដែលរងការខូចខាតក្នុងសង្គ្រាមជាមួយអ៊ីរ៉ង់។
ប្រភពពីសារព័ត៌មានAA news នៅថ្ងៃទី២២ខែកញ្ញា។
តាមរបាយការណ៍ The Wall Street Journal អាមេរិកចង់ឱ្យប្រទេសចំនួន ៨ រួមមាន អារ៉ាប៊ីសាអូឌីត អេមីរ៉ាតអារ៉ាប់រួម កាតា បារ៉ែន គុយវ៉ែត អូម៉ង់ អ៊ីរ៉ាក់ និងហ្ស៊កដានី ផ្តល់ប្រាក់បន្ថែម ៥ពាន់លានដុល្លារ។ ដូច្នេះ មូលនិធិនេះអាចមានទឹកប្រាក់សរុប ១០ពាន់លានដុល្លារ។
គម្រោងនេះមានគោលបំណងជួសជុលហេដ្ឋារចនាសម្ព័ន្ធថាមពលដែលរងការវាយប្រហារ និងស្វែងរកផ្លូវថ្មីសម្រាប់នាំចេញប្រេង ដើម្បីកាត់បន្ថយការពឹងផ្អែកលើ ច្រកសមុទ្រ Hormuz។
ទោះជាយ៉ាងណា គម្រោងនេះនៅមិនទាន់សម្រេចជាផ្លូវការនៅឡើយទេ ហើយមន្ត្រីក្នុងតំបន់មួយចំនួនបារម្ភថា ការសាងសង់ទីតាំងថ្មីមុនពេលមានកិច្ចព្រមព្រៀងសន្តិភាព អាចប្រឈមនឹងការវាយប្រហារពីអ៊ីរ៉ង់ជាថ្មី៕
