រដ្ឋមន្ត្រីការបរទេសកាណាដា លោកស្រី Anita Anand បាននិយាយថា កាណាដាអាចសហការជាមួយបារាំង ក្នុងការផ្គត់ផ្គង់ ឧស្ម័នធម្មជាតិរាវ (LNG) ដែលនាំចេញពីឆ្នេរភាគខាងលិចរបស់កាណាដា។
ប្រភពពីសារព័ត៌មានReuter នៅថ្ងៃទី២២ខែកញ្ញា។
ការពិភាក្សានេះកើតឡើងបន្ទាប់ពីមេដឹកនាំកាណាដា និងបារាំងបានជួបគ្នា និងពិភាក្សាអំពីកិច្ចសហប្រតិបត្តិការថាមពល។ ប្រធានាធិបតីបារាំង Emmanuel Macron ក៏បានជំរុញឱ្យប្រទេសទាំងពីរពង្រឹងកិច្ចសហការថាមពល ខណៈអឺរ៉ុបកំពុងស្វែងរកប្រភពថាមពលថ្មី ដោយសារការរំខានការផ្គត់ផ្គង់ និងការកើនឡើងតម្លៃថាមពល។
កាណាដា ជាប្រទេសផលិតឧស្ម័នធម្មជាតិធំជាងគេទី ៥ នៅលើពិភពលោក ហើយបាននាំចេញ LNG ជាលើកដំបូងក្នុងខែមិថុនា ឆ្នាំ២០២៦ ពីរោងចក្រ LNG Canada នៅខេត្ត British Columbia។
លោកស្រី Anand បានបញ្ជាក់ថា កាណាដាក៏កំពុងពិភាក្សាអំពីកិច្ចសហការថាមពលជាមួយប្រទេសផ្សេងៗទៀត លើ LNG ថាមពលស្អាត ថាមពលខ្យល់ ពន្លឺព្រះអាទិត្យ និងថាមពលនុយក្លេអ៊ែរ៕
