សម្តេចប៉ាប Leo XIV បាននិយាយថា បញ្ញាសិប្បនិម្មិត (AI) ត្រូវតែបម្រើមនុស្ស ការពារសេចក្តីថ្លៃថ្នូររបស់មនុស្ស និងជួយពង្រឹងសន្តិភាព។
ប្រភពពីសារព័ត៌មានAA news នៅថ្ងៃទី២២ខែកញ្ញា។
ក្នុងសារទៅកាន់សន្និសីទ AI4Peace នៅទីក្រុងរ៉ូម លោកបានថ្លែងថា ការអភិវឌ្ឍ AI មិនគួរពឹងផ្អែកតែលើចំណេះដឹងបច្ចេកទេសទេ ប៉ុន្តែត្រូវដឹកនាំដោយ ប្រាជ្ញា និងការយកចិត្តទុកដាក់ចំពោះអ្នកដទៃ។
លោកបានអំពាវនាវឱ្យអ្នកជំនាញស្វែងរកវិធីប្រើ AI ដើម្បីជួយបង្កើត ការសន្ទនា ការផ្សះផ្សា និងសាមគ្គីភាពរវាងប្រជាជន ជាពិសេសនៅក្នុងពិភពលោកដែលកំពុងមានជម្លោះ និងការបែកបាក់។
សម្តេចប៉ាបបានបញ្ជាក់ថា ប្រសិនបើ AI ត្រូវបានអភិវឌ្ឍ និងប្រើប្រាស់ដោយគិតពីប្រយោជន៍របស់មនុស្ស វាអាចក្លាយជាឧបករណ៍មួយសម្រាប់ ជំរុញសន្តិភាព៕
