ប្រធានាធិបតីអាមេរិក ដូណាល់ ត្រាំ បានស្វាគមន៍ប្រធានាធិបតីចិន ស៊ី ជីនពីង នៅអាមេរិក ដោយមានពិធីស្វាគមន៍យ៉ាងធំ រួមទាំងកម្រាលព្រំក្រហម និងយន្តហោះយោធាហោះបង្ហាញខ្លួន។ លោក ស៊ី បានមកដល់អាមេរិក ដើម្បីចូលរួមកិច្ចប្រជុំកំពូលរយៈពេល ៣ ថ្ងៃជាមួយលោក ត្រាំ។
ប្រភពពីសារព័ត៌មានBBC នៅថ្ងៃទី២៤ខែកញ្ញា។
ក្នុងដំណើរទស្សនកិច្ចនេះ មេដឹកនាំទាំងពីរត្រូវពិភាក្សាបញ្ហាសំខាន់ៗ ដូចជា ពន្ធគយ ពាណិជ្ជកម្ម បញ្ញាសិប្បនិម្មិត (AI) សង្គ្រាមនៅអ៊ីរ៉ង់ និងបញ្ហាតៃវ៉ាន់។
ជាមួយគ្នានេះ រដ្ឋមន្ត្រីក្រសួងរតនាគារអាមេរិក លោក Scott Bessent បានប្រកាសថា អាមេរិក និងចិនបានព្រមព្រៀង បន្តផ្អាកសង្គ្រាមពាណិជ្ជកម្មរហូតដល់យ៉ាងហោចណាស់ថ្ងៃទី ១០ ខែមករា ឆ្នាំ២០២៧។ កិច្ចព្រមព្រៀងនេះដើមឡើយគ្រោងនឹងផុតកំណត់នៅខែវិច្ឆិកា។
លោក ស៊ី បាននិយាយថា អាមេរិក និងចិនគួរតែធ្វើជា “ដៃគូ មិនមែនជាគូប្រជែង” ខណៈមេដឹកនាំទាំងពីរកំពុងព្យាយាមរកវិធីគ្រប់គ្រងទំនាក់ទំនងដែលមានភាពតានតឹងរវាងប្រទេសទាំងពីរ។
ក្នុងអំឡុងពេលលោក ស៊ី បំពេញទស្សនកិច្ច ក៏មានគម្រោងរៀបចំពិធីជប់លៀងផ្លូវការមួយ ដែលនឹងមានការចូលរួមពីមេដឹកនាំ និងអ្នកជំនួញបច្ចេកវិទ្យា និង AI សំខាន់ៗរបស់អាមេរិក៕
