អ៊ីរ៉ង់ និងសហរដ្ឋអាមេរិក នៅតែមានភាពខុសគ្នាខ្លាំង ក្នុងការចរចាដើម្បីបញ្ចប់សង្គ្រាម ប៉ុន្តែមន្ត្រីអ៊ីរ៉ង់ម្នាក់បាននិយាយថា ការទូតត្រូវតែបន្ត។
ប្រភពពីសារព័ត៌មានReuter នៅថ្ងៃទី២៤ខែកញ្ញា។
បច្ចុប្បន្ន ទីក្រុងតេអ៊ីរ៉ង់កំពុងពិនិត្យសំណើរបស់អាមេរិក ពាក់ព័ន្ធនឹង ការដកការរារាំងផ្លូវសមុទ្រ និងការបើកច្រកសមុទ្រ Hormuz ឡើងវិញ។
ក្នុងពេលជាមួយគ្នា ប្រធានាធិបតីអ៊ីរ៉ង់ លោក Masoud Pezeshkian បានថ្លែងនៅមហាសន្និបាតអង្គការសហប្រជាជាតិថា អ៊ីរ៉ង់នឹងមិនចុះចាញ់ចំពោះសម្ពាធរបស់អាមេរិកឡើយ។ លោកបានរិះគន់លោក ដូណាល់ ត្រាំ ចំពោះអ្វីដែលលោកហៅថា ការប្រើអំណាចបង្ខំលើប្រទេសដទៃ។
ការទាក់ទងរវាងមន្ត្រីអ៊ីរ៉ង់ និងអាមេរិកក៏បានកើតឡើងតាមរយៈ កាតា ដែលបានជួយបញ្ជូនសាររវាងភាគីទាំងពីរ ក្នុងការផ្លាស់ប្តូរសាររយៈពេលប្រហែល ២ ម៉ោង។
ទោះជាយ៉ាងណា ការចរចានេះកំពុងជួបការប្រឆាំងពីក្រុមអ្នកនយោបាយរឹងមាំនៅអ៊ីរ៉ង់ ហើយភាគីទាំងពីរនៅមិនទាន់អាចឈានដល់កិច្ចព្រមព្រៀងបញ្ចប់សង្គ្រាមបាននៅឡើយ៕
