ប្រទេសអាល្លឺម៉ង់បានសម្រេច បន្តដាក់ប្រព័ន្ធការពារដែនអាកាស Patriot នៅប្រទេសតួកគី រហូតដល់ខែមេសា ឆ្នាំ២០២៧ ដើម្បីពង្រឹងការការពារដែនអាកាសរបស់ NATO ក្នុងតំបន់ ខណៈភាពតានតឹងរវាងអាមេរិក និងអ៊ីរ៉ង់នៅតែបន្ត។
ប្រភពពីសារព័ត៌មានAA news នៅថ្ងៃទី២៤ខែកញ្ញា។
អាល្លឺម៉ង់បានដាក់ប្រព័ន្ធ Patriot នៅទីក្រុង Malatya កាលពីខែមិថុនា ឆ្នាំ២០២៦ ហើយដើមឡើយគ្រោងនឹងដកចេញនៅខែកញ្ញា។ ប៉ុន្តែឥឡូវនេះ បេសកកម្មត្រូវបានបន្ត ហើយមានទាហានអាល្លឺម៉ង់ប្រហែល ១៥០នាក់ ប្រចាំនៅទីនោះ។
ប្រព័ន្ធ Patriot ផលិតដោយអាមេរិក មានសមត្ថភាពតាមដាន និងស្ទាក់ចាប់យន្តហោះ មីស៊ីលប្រដាប់ហោះ និងមីស៊ីលបាលីស្ទិកមួយចំនួន។
អាល្លឺម៉ង់បាននិយាយថា ការបន្តបេសកកម្មនេះគឺជាការចូលរួមរបស់ខ្លួនក្នុង ប្រព័ន្ធការពារដែនអាកាសរួមរបស់ NATO និងជួយពង្រឹងការការពារមីស៊ីលនៅតំបន់ភាគខាងកើតនៃតួកគី៕
